EQYU tóraǵalyǵy kezinde Qazaqstan máselelerdi jan-jaqty qarastyrýǵa múddeli - Eýropalyq aqparattyq ortalyqtyń dırektory
LMATY. Naýryzdyń 15-i. QazAqparat /Erlik Erjanuly/ - Qazaqstan EQYU-ǵa tóraǵalyq etý kezinde aldyna qoıǵan maqsattaryna jetýge tıis.
Bul týraly búgin Almatyda ótip jatqan «QR Prezıdentiniń halyqqa joldaýy aıasyndaǵy Qazaqstannyń EQYU-ǵa tóraǵalyǵy» dep atalatyn dóńgelek ústel jıynynda aıtyldy, dep habarlaıdy QazAqparat.
«Qazaqstan EQYU-ǵa tóraǵalyq etýge erte bastan qam jasap, Eýrazııalyq qaýipsizdik máselelerin qarastyrý jolynda óz usynystaryn jasady. Sońǵy kezde barlyq kúshti gýmanıtarlyq baǵytqa aýdaryp jatqan EQYU-nyń negizgi baǵyttaryn ózgertýge jáne ekonomıkalyq, ekologııalyq máselelerdi kóterýde kóp jumys jasap jatyr. Onyń ishinde tranzıttik, energetıkalyq máselelerge erekshe mán berýde. Árıne, tóraǵa barlyq máseleni sheshpeıdi. Biraq máselelerdi kún tártibini qoıyp, olardy jan-jaqty qarastyrýǵa jaǵdaı jasaý da ońaı sharýa emes», deıdi Qazaqtyń ál-Farabı atyndaǵy ulttyq ýnıversıtetiniń Eýropalyq aqparattyq ortalyǵynyń dırektory Quralaı Baızaqova. Onyń aıtýynsha, EQYU tóraǵalyq etý kezinde Qazaqstan halyqaralyq qatynastardy tereńdetýde jańa múmkindikterge ıe bolyp otyr. Syn-pikirlerge qaramastan EQYU mańyzyn áli joıǵan joq jáne potentsıaly óte zor. Qazaqstan uıymnyń Eýropalyq qana emes, Eýrazııalyq keńistiktegi qaýipsizdikti saqtaýdaǵy rólin kóterý úshin reformalar jasaý jónindegi óz ustanymyn tóraǵalyq kezinde dáldeldeýge tıis.
