«EQYU sholý konferentsııasy: qorytyndylar men jańa mindetter» atty taqyryp aıasynda dóńgelek ústel ótkiziledi

Ótken ÚEU-dar forýmy Qazaqstannyń barlyq azamattyq sektory úshin mańyzdy oqıǵaǵa aınaldy ári úkimettik emes sektordyń damýy suraqtaryn ǵalamdyq deńgeıde talqylaýdyń jaqsy múmkindigi bolyp tabyldy. Qazaqstandyq ÚEU-darǵa óz jetistikteri men tabystaryn atap kórsetý, pikir almasý, Eýropa elderiniń úkimettik emes uıymdarynan kelgen áriptesterimen til tabysyp, tájirıbe almasýdyń da tamasha múmkindigi saı keldi. Shara, sol rette, qoǵamdyq uıymdar men memlekettik qurylymdar arasyndaǵy dıalogtyń odan ári damýyna septigin tıgizýde.

Konferentsııanyń ótkizilýin qorytyndylaý úshin, aımaqtyq Azamattyq Alıanstardyń jáne elimizdegi basqa úkimettik emes uıymdardyń ókilderi jınalady.

«Dóńgelek ústeldiń kún tártibinde - azamattyq qoǵamnyń áleýmettik mańyzy bar jobalardy iske asyrý boıynsha aldaǵy mindetterin talqylaý, zańdardy jyljytý, elimizdiń úshinshi sektorynyń turaqty damýyna árekettesý baǵdarlamalary jáne atalmysh sektordyń dúnıejúzilik qoǵamdyq qoǵamdastyqqa ıntegratsııasyn jan-jaqty qarastyrý. Búginderi úkimettik emes uıymdar memleketpen jemisti túrde árekettesip keledi. Desek te, sheshimin talap etetin ishki saýaldar barshylyq. Máselen, ÚEU-dardy rastaý nemese qarjylyq móldirlik pen azamattyq qoǵamnyń ınstıtýttarynyń esep berýge tıistiligi», - deıdi ÚEU-dardy damytý baǵdarlamalarynyń dırektory Andreı Emelın.

Dóńgelek ústel shıraq jáne tıimdi ótip, azamattyq qoǵamnyń damýynyń odan arǵy strategııasy jasalynady dep kútilýde. Aǵymdaǵy jyl - Qazaqstannyń EQYU-na tóraǵalyq etip otyrǵan jyly - búkil el úshin, azamattyq qoǵam úshin asa mańyzdy bolýda.