EQYU sheteldik telearnalardy taratýǵa tyıym salǵany úshin Qyrǵyzstan bıligin synǵa aldy
ShKEK. 8 qazan. QazAqparat /Arnur Rahymbekov/ - Demokratııalyq ınstıtýttar jáne adam quqyqtary jónindegi EQYU bıýrosy prezıdenttik saılaý aldyndaǵy Qyrǵyzstannyń jaǵdaıy týraly birinshi aralyq esep berdi.
EQYU ókilderi atap ótkendeı, Qyrǵyzstandaǵy saılaý naýqany kezinde sheteldik BAQ arnalaryn taratýǵa tyıym salý úshin eshqandaı zańdy negiz joq. Іstiń mán-jaıyna toqtalatyn bolsaq, qyrǵyz bıligi prezıdenttik saılaý kúni - 30 qazanǵa deıin respýblıka aýmaǵy boıynsha tikeleı efırde sheteldik telearnalardyń habarlaryn taratýǵa tyıym saldy. Kórsetilýge tyıym salynǵan arnalar arasynda qazaqstandyq «Habar», «KTK» jáne «El Arna» arnalary bar. Qazirgi tańda Qyrǵyzstandaǵy keıbir kabeldi telearna operatorlary Reseı telararnalarynyń keıbir baǵdarlamalaryn taspaǵa jazyp alyp, kórsetýde.
EQYU sarapshylary atap ótkendeı, teledıdar Qyrǵyzstan azamattary úshin negizgi aqparat kózi bolyp tabylady.
