EQYU Serbııa men Kosovo arasyndaǵy tarıhı kelisimdi quptaıdy
VENA. 20 sáýir. QazAqparat - EQYU-nyń is basyndaǵy tóraǵasy, Ýkraına SІM basshysy Leonıd Kojara men EQYU bas hatshysy Lamberto Zaner 19 sáýirde Brıýsselde qol jetkizilgen Serbııa men Kosovo arasyndaǵy tarıhı kelisimdi quptaıdy.
Bul týraly EQYU baspasóz qyzmeti habarlady.
EQYU is basyndaǵy tóraǵasy bul kelisimdi «aımaqtaǵy qatynastar men turaqtylyqty qalpyna keltirýdegi mańyzdy qaadam» dep atady.
«Bul jańa taraýdyń basy, men osy dıalogtyń jalǵasýyn qoldaımyn, ol Kosovodaǵy barlyq qaýymdardyń ómirin jaqsartady», - dedi ýkraın syrtqy saıasat vedomstvosynyń basshysy L.Kojara.
EQYU bas hatshysy L.Zaner qol jetkizilgen kelisimdi «tarıhı» dep atady jáne ony tıimdi júzege asyrýǵa shaqyrdy.
Eske sala keteıik, Brıýsselde Serbııa men ózin-ózi jarııalaǵan Kosovonyń premer-mınıstrleri Ivıtsa Dachıch pen Hashım Tachı Kosovodaǵy serb qaýymdarynyń (mýnıtsıpalıtetteriniń) qyzmeti týraly kelisimdi maquldady, buǵan EO syrtqy ister jáne qaýipsizdik saıasaty jónindegi joǵarǵy ókili Ketrın Eshtonnyń araaǵaıyndyǵymen qol jetkizildi. Kelisim Serbııa men Kosovo arasyndaǵy qatynastardy qalpyna keltirýde mańyzdy qadam retinde qarastyrylady.
