EQYU Sammıtiniń qonaqtaryna arnalǵan jýrnal jaryq kórdi
ASTANA. 29 qarasha. QazAqparat /Damır Baımanov/ - QR Syrtqy ister mınıstrliginiń Halyqaralyq aqparattar komıteti EQYU sammıtiniń qonaqtaryna arnalǵan «Edge» jolbasshy-jýrnalyn shyǵardy,
dep habarlady syrtqy saıasat vedomstvosynyń baspasóz qyzmetinen.
Vedomstvonyń aqparaty boıynsha, osyndaı basylymǵa degen suranystyń týyndaýyna baılanysty Astana boıynsha jolbasshy jýrnal shyǵarý týraly sheshim qabyldanǵan. «Astana sheteldik qonaqtarǵa meıramhanalardan bastap dúkenderge jáne túngi klýbtarǵa deıin, kóp nárse usyna alady, biraq buǵan deıin bizde sheteldik qonaqtarǵa arnalǵan jáne olarǵa egjeı-tegjeıli málimet bere alatyn mundaı basylym shyǵarylǵan joq edi», - deıdi komıtet tóraǵasy Roman Vasılenko.
98 betten turatyn jýrnalda elordamyzdaǵy mádenı jáne oıyn-saýyq mekemelerge jasalǵan sholýlar, Astana týraly maqalalar jarııalanyp otyr. Basqasha sózben aıtqanda, basylymda meıramhanalar, túngi klýbtar, saýda ortalyqtary, qala qonaqtarynyń nazaryn aýdarýǵa turarlyq basqa da kórnekti oryndar týraly materıaldar berilgen. Basylym aǵylshyn tilinde jaryq kórdi.
