EQYU Sammıtiniń Astanada ótýi - Qazaqstannyń bul Uıymǵa oıdaǵydaı tóraǵalyq etkendiginiń negizgi belgisi - R.Býrnashev
Tipti bolýy múmkin táýekelderdiń ózinde (mysalǵa, bir sebepterge baılanysty birqatar elderdiń basshylarynyń kezdesýge qatyspaýy) Sammıttiń ótýiniń ózi bizdiń tóraǵalyqtyń oıdaǵydaı atqarylýynda negizgi ról oınaıtyn bolady. Bul týraly QazAqparat tilshisine bizdiń eldiń EQYU-ǵa tóraǵalyǵynyń alǵashqy qorytyndylaryn shyǵara otyryp, Saıası sheshimder ınstıtýtynyń saraptama jáne aqyl-keńes berý jónindegi dırektory Rýstam Býrnashev aıtyp berdi.
Onyń aıtýynsha, EQYU-nyń tóraǵasy retinde Qazaqstan aldynda eki boljam bar - syrtqy boljam (eń aldymen, pikirtalas alańyn atalmysh máselelermen jetkilikti túrde qamtamasyz ete otyryp, EQYU keńistiginde qazir kezdesetin ózekti máseleler arasynda tóraǵanyń tehnıkalyq mindetterdi biliktilikpen oryndaýyn amaldaý) jáne ishki boljam (eń aldymen, demokratııalandyrý jáne adam quqyǵy dep atalatyn «úshinshi qorjyn» salasynda EQYU standarttaryn birtindep qabyldaıtyn baǵyt boıynsha elde naqty betalysty jaıǵastyrý).
«Jalpy alǵanda, birinshi boljamǵa baılanysty mindetter tipti artyǵymen júzege asyrylǵan bolyp shyqty. Osyǵan qosa, Qazaqstan eń kem degende eki jaǵdaıdy oryndy paıdalana bildi. Birinshi - Qazaqstan Prezıdenti Nursultan Nazarbaev ıadrolyq qaýipsizdik jáne energetıka salasynda birqatar strategııalyq bastamalaryn jetkizgen Vashıngtondaǵy ıAdrolyq qaýipsizdik jónindegi jahandyq sammıt. Ekinshisi - EQYU-nyń tóraǵasy retinde Qazaqstan Reseı men AQSh-tyń birlese is-qımyl jumsaýy arqyly qarbalastyqty ýaqytsha tómendetýge yqpalyn tıgizgen Qurmanbek Bákıevti kóshirý týraly bastamaǵa uıytqy bolǵan 2010 jyldyń sáýirindegi Qyrǵyzstandaǵy jaǵdaı», - dep oıyn jetkizdi R.Býrnashev.
EQYU-nyń tulǵalandyrylǵan tóraǵasy bolyp tabylatyn QR-nyń Memlekettik hatshysy - Syrqy ister mınıstri Qanat Saýdabaevtyń dıplomatııalyq belsendiligi de qanaǵattanarlyq jumys boldy. «Ol EQYU keńistigindegi negizgi máselelerge - Prıdnestrove men Ońtústik Kavkazdaǵy qatyp qalǵan shıelenisterge, sondaı-aq Aýǵanstandaǵy jaǵdaı men Aýǵanstannyń Ortalyq Azııa elderimen shekarasyn nyǵaıtý máselelerine degen Qazaqstan múddesin kórsete bildi», - dedi sarapshy.
Alaıda, onyń pikirinshe, Qazaqstannyń EQYU-ǵa tóraǵalyǵyndaǵy ekinshi boljamǵa qatysty mindetter osyndaı basymdyqqa ıe bola qoıǵan joq jáne ázirge nazardan tys qalýda.
«Obektıvti jáne sýbektıvti sebepterdi talqylamastan buryn, durysynda, bul baǵyt eldegi bar saıası júıede úmit kútetin tirek bolyp tabylatyn Qazaqstannyń shartty orta klasynyń boljamdary men nusqamasyna sáıkes keledi. Osyǵan baılanysty, onyń múddesiniń júzege asyrylýyna baǵyttalǵan naqty sharalardy qolǵa alý qajettiliginiń ýaqyty jetkendigin aıtýǵa bolady. Osy oraıda, kezegi kelgen is-qımyldardy qazirden-aq bastaý utymdy bolar edi. Mysalǵa, deńgeılerine qaraı jergilikti ózin-ózi basqarýdy engizý», - dedi óz sózin qoryta kelgen R.Býrnashev.
