EQYU Sammıtiniń Astanada ótýi - álemniń Elbasyna, Qazaqstanǵa degen senimi
ORAL. 26 qarasha. QazAqparat /Eljan Eraly/ - EQYU Sammıtiniń Astanada ótýi - álemniń Elbasyna, Qazaqstanǵa degen senimi. Bul týraly M.Ótemisuly atyndaǵy Batys Qazaqstan memlekettik ýnıversıtetiniń tarıh fakýltetinde «EQYU-ǵa tóraǵalyq - Qazaqstannyń demokratııalyq damýyndaǵy jańa serpin» degen taqyrypta ótkizilgen dóńgelek ústel otyrysynda aıtyldy.
Dúnıejúzilik tarıh jáne áleýmettik-saıası pánder kafedrasynyń oqytýshysy Turar Shaıhıevtiń atap ótkenindeı, Astana Sammıti - teńdesi joq tarıhı oqıǵa. Bul Qazaqstannyń álemdegi róli kún saıyp artyp kele jatqanyn, Elbasymyz Nursultan Nazarbaevtyń bedeli zor ekendigin bildiredi.
Dóńgelek ústel basynda kafedra oqytýshylary Álııa Kenjeǵulova, Elvıra Habıevalarmen qatar stýdentter, qoǵamdyq uıymdar ókilderi óz pikirlerin bildirip, mundaı halyqaralyq deńgeıdegi jıyndy sátti ótkizý elimiz úshin abyroı ekendigin atap kórsetti.
