EQYU Sammıtine oraı jańa kommýnaldyq tehnıka satyp alyndy
ASTANA. 24 qarasha. QazAqparat /Arman Asqarov/ - Búgin Astana qalasy Esil aýdanynyń ákimi Qaırat Jańabergenovtiń qatysýymen EQYU Sammıti kezinde aýdanǵa qarasty joldardyń tazalyǵyn qamtamasyz etetin jańa kommýnaldyq tehnıkanyń tanystyrylymy ótti.
Ákimniń aıtýynsha, «Astana tazalyq» JShS óz qarajatyna 30-dan astam jańa tehnıka satyp aldy «Árıne, EQYU Sammıti kezinde buǵan deıin de qoldanylyp kelgen tehnıkalyq quraldar paıdalanylatyn bolady. Olardyń barlyǵy tekseristen ótip, jumysqa tolyqqandy daıyndaldy», - deıdi Q.Jańabergenov.
Aýdan ákimi atap kórsetkendeı, búginniń ózinde Esil aýdanynyń kommýnaldyq qyzmetterinde eki aýysymdyq jumys kestesi engizildi. «Kóshelerdi qardan tazartý jumysyna 92 birlik kólik quraldary men 350-den qyzmetker tartylatyn bolady. 340 myń sharshy metr aýmaqty quraıtyn kóshelerdi qardan tazartý josparlanǵan», - dep atap kórsetti Q.Jańabergenov.
