EQYU Sammıtine qatysýshylar adam saýdasynyń aldyn alýdaǵy kúsh-jigerdi jumyldyrý týraly kelisýi qajet - EQYU ókili
ASTANA. 27 qarasha. QazAqparat /Marlan Jıembaı/ -Astanada ótetin EQYU Sammıtine qatysýshylar adam saýdasynyń aldyn alýdaǵy kúsh-jigerdi jumyldyrý jáne bul máselede elderdiń naqty mindetterin aıqyndaý týraly kelisýi qajet.
Bul pikirdi búgin elordada ótip jatqan EQYU Sammıti qarsańyndaǵy Sholý konferentsııasynyń «Mıgranttarǵa qatysty tózimsizdik» sessııasynda sóz alǵan EQYU-nyń adam saýdasymen kúres jónindegi arnaıy ókili jáne úılestirýshisi Marııa Gratsııa Djıammarınaro bildirdi.
«Іs júzinde EQYU-nyń barlyq elderinde bul salada týyndaıtyn problemalar bar. Árıne túıtkildi jaıttardy sheshý joldaryn erte qarastyrǵan ári birshama joǵary deńgeıge kótergen elder de bar. Bizde de, ıaǵnı EQYU keńistiginde de jolǵa qoıylǵan aldyńǵy qatarly tájirıbe jetkilikti. Degenmen barlyq elderde jasalar jumystar áli de kóp», - dedi ol.
Sózin qorytyndylaı kele EQYU ókili adam saýdasymen kúres baǵytyndaǵy mindetterdi aıqyndaýda elordada ótetin sammıt jaqsy tuǵyrnama bolatyndyǵyna senim bildirdi.
