EQYU Sammıtine daıyndyq jumystary aıasynda órt sóndirýdiń taktıkalyq oqý-jattyǵý sharalary ótti
ASTANA. Qazannyń 28-i. QazAqparat - EQYU Sammıtine daıyndyq jumystary aıasynda Astana qalalyq Tótenshe jaǵdaılar departamentiniń órt sóndirý jáne apattan qutqarý qyzmeti «Astana-Energııa» - JEO-2 nysanynda órt sóndirýdiń taktıkalyq oqý-jattyǵý jumystaryn júrgizdi.
Shartty túrde uıymdastyrylǵan apatty jaǵdaı boıynsha nysandaǵy maı jelisinde kúshti qysymnyń áserinen №1 nysanda órt paıda bolady. Ǵımarattyń jalpy kólemi 5 myń 538 sharsha metr. Onda
6 pesh bar. Onyń 4-ýi jumys istep tur. Al 2-ýi rezervte turǵan qurylǵylar. Qutqarýshylar órtke qarsy qyzmet bólimsheleriniń qyzmet kórsetýshi azamattarmen birlesip, órtti sóndirý men adamdardy qaýipsiz aımaqqa kóshirýdegi birlesken qımyldardy pysyqtady. Oqý-jattyǵý jumystaryna jeke quramnan 40 adam men jedel shtab pen garnızonnyń sardarlar quramy qatysty. Sondaı-aq sharaǵa 10 PCh-1, PCh-6, PCh-8 tehnıkalary jumyldyryldy. Baspasóz qyzmetiniń habarlaýynsha, jattyǵý jumystary sátti ótti.
