EQYU Sammıtine baılanysty jeltoqsannyń 5-ine deıin ózge óńirlerden kelgen avtokólikter Astana qalasyna ýaqytsha tirkeýge alynbaıdy
ASTANA. Qazannyń 6-sy. QazAqparat /Gúlmıra Álıakparova/ - Astanada ótetin EQYU Sammıtine baılanysty jeltoqsan aıynyń 5-ine deıin elordada ózge óńirlerden kelgen avtokólikterdi ýaqytsha tirkeýge alý júrgizilmeıdi. Bul týraly búgin on-laın konferentsııa barysynda azamattardyń saýalyna jaýap bergen qalalyq Jol polıtsııasy basqarmasynyń bastyǵy Baqytgeldi Aıqymbekov málim etti.
JPB bastyǵyna joldanǵan saýalda: «Almaty qalasynda tirkelgen kólikti 2010 jylǵy qazannyń 6-synan bastap Astana qalasyna ýaqytsha tirkeýge qoımaq boldym. Biraq ótinishim QR Іshki ister mınıstriniń buıryǵyna silteme jasalyp qabyl alynbady. Endi ne isteýge bolady jáne ýaqytsha tirkeýdi jasatýdyń qajettiligi bar ma?», - delingen.
B.Aıqymbekovtyń aıtýynsha, kólik quraldaryn ýaqytsha tirkeýden ótkizbeý sharalary qaýipsizdik maqsatynda jasalyp otyr. Bul jumystar 2010 jylǵy jeltoqsannyń 5-inen bastap qaıta júzege asyryla bastaıdy.
«Bul sheshim Sammıt kezinde qaýipsizdikti qamtamasyz etý maqsatynda qalalyq shtabpen qabyldandy. Bul shara ýaqytsha, sondyqtan oǵan túsinistikpen qaraýdy suraımyz», - dep atap ótti ol.
