EQYU Sammıtine baılanysty Astananyń mektep oqýshylary men stýdentteriniń kúzgi demalys kestesi ózgertildi

«QR Bilim jáne ǵylym mınıstrliginiń hatyna sáıkes elordada kúzgi demalys ýaqyty ózgertildi. Bul EQYU Sammıti kezinde halyqtyń qaýipsizdigin qamtamasyz etý maqsatynda jasalyp otyr», dep atap ótti ákimniń baspasóz qyzmetinen.

Máselen, jalpy bilim berý mekemelerinde 5-7 qarasha - demalys kúnderi dep jarııalansa, 8-12 qarashada sabaq qaıta bastalady. Birinshi oqý toqsanynyń aıaqtalýyna oraı bolatyn demalystyń qysqartylǵanymen, oqýshylarǵa 29 qarasha men 5 jeltoqsan kúnderi aralyǵynda demalýǵa múmkindik beriledi.

Sondaı-aq, tehnıkalyq jáne arnaıy oqý oryndardyń oqýshylary úshin 29 qarasha men 5 jeltoqsan aralyǵy - demalys kúnderi. Aıta keteıik, bul kúnder esebinen aldaǵy qysqy demalystar qysqartylatyn bolady.

Bilim mınıstrligi mektepke deıingi mekemelerdiń de jumys kestesin bekitti. Senbi, jeksenbi, ıaǵnı 27-28 qarasha jumys kúnderi bolsa, 29-30 qarasha men 3 jeltoqsan aralyǵynda balabaqshalar jumys istemeıdi.