EQYU Sammıtine BAQ ókilderin tirkeý bastaldy
azannyń 11-i. QazAqparat /Qanat Mámetqazyuly/ -Búginnen bastap 2010 jylǵy jeltoqsannyń 1-2-i aralyǵynda elordada ótetin EQYU-ǵa múshe memleketter jáne úkimetter basshylarynyń deńgeıindegi Sammıtke BAQ-dy tirkeý bastaldy.
Bul týraly búgin SІM-de ótken brıfıngte vedomstvonyń resmı ókili Asqar Ábdirahmanov málim etti.
«Jalpy, BAQ-qa arnalǵan is-sharalar, resmı pýldar, akkredıtatsııa tártibi, materıaldyq-tehnıkalyq jabdyqtandyrý, habar taratý, spýtnıktik taratý, qonaqúıge ornalasý, vızalar men kedendik tártipter týraly tolyq aqparat Qazaqstannyń Syrtqy ister mınıstrligi saıtynyń EQYU Sammıtine arnalǵan betinde ornalasqan. Sammıttiń barlyq tolyq otyrystary, sondaı-aq delegatsııalar basshylary men qatysýshylardyń jeke brıfıngteri ishki televızııa júıesi boıynsha taratylady», dedi resmı ókil.
Esterińizge sala keteıik, EQYU Sammıti QR Prezıdenti N. Nazarbaevtyń bastamasymen ótkiziledi. Kezdesý kún tártibinde uıymǵa múshe memleketterdiń EQYU sheńberinde qabyldanǵan mindettemeler men jalpy eýroatlantıkalyq jáne eýrazııalyq qaýipsizdik qaýymdastyǵy ıdeıasyna berilgendikterin qýattaýy, sonymen qatar adam quqyqtary salasyndaǵy zııandy áreketterdiń betin burý jáne jańa transulttyq qaterlerge baılanysty jumys jasaý boıynsha ujymdyq kúsh salýdy jandandyrý sekildi máseleler qamtylatyny kútilýde.
