EQYU Sammıtine 1 myń 200-den astam BAQ ókilderi tirkeldi
ASTANA. 23 qarasha. QazAqparat /Qanat Mámetqazyuly/ - Astanada 1-2 jeltoqsanda ótetin EQYU Sammıti barysynan álemniń túkpir-túkpirine habar taratý úshin 1 myń 200-den astam BAQ ókilderi tirkeldi. Bul týraly búgin Syrtqy ister mınıstrliginde EQYU Sammıtine arnalǵan úsh kórkemsýretti markadan turatyn poshtalyq blokty aınalysqa engizý saltanaty barysynda vedomstvonyń Halyqaralyq aqparat komıtetiniń tóraǵasy Roman Vasılenko málim etti.
«Qazaq eli úshin tarıhı sát bolyp tabylatyn Astana Sammıtiniń bastalýyna da az ýaqyt qaldy. Bul rette «Qazposhta» AQ aıtýly kúndi erekshe sharamen atap ótip jatqanyna rızashylyǵymyzdy bildirmekpiz. Bul rette aıta keterligi, búgingi kúnge deıin Sammıt barysynan habar taratý úshin 1 myń 200-den astam sheteldik jáne qazaqstandyq BAQ ókilderi tirkeldi. Qazirgi kúni jýrnalısterdiń jumysyn qamtamasyz etý úshin barlyq jaǵdaılar jasalýda», - dedi saltanatty shara barysynda Roman Vasılenko.
Esterińizge sala keteıik, úsh kórkemsýretti markadan turatyn poshtalyq blokta Qzaqstan Týy aıasyndaǵy Prezıdenttiń Aqorda rezıdentsııasy, Táýelsizdik saraıy, Beıbitshilik pen kelisim saraıy, «Qazaq eli» monýmenti beınelengen.
