EQYU Sammıtinde Uıymǵa qatysýshy memleketter Aýǵanstan máselesin talqylaýǵa múddelilik tanytyp otyr -EQYU Bas hatshysy
ANA. 28 qarasha. QazAqparat /Qanat Mámetqazyuly/ -EQYU Sammıtinde Uıymǵa qatysýshy memleketter Aýǵanstan máselesin talqylaýǵa úlken múddelilik tanytyp otyr. Búgin elordada EQYU sammıti qarsańyndaǵy Sholý konferentsııasy barysynda jýrnalısterge bergen suhbatynda EQYU Bas hatshysy Mark Perren de Brıshambo osylaı málim etti.
Jýrnalıster saýalyna jaýap bergen M. P. Brıshambo Qazaqstannyń EQYU-ǵa tóraǵalyǵy barysynda barlyq baǵyt boıynsha úlken progress oryn alǵanyn erekshe atap ótti. «Biz sheshimin tappaı kele jatqan máseleler, ıaǵnı «qordalanǵan qaqtyǵystar» retinde atalyp ketken janjaldy máseleler boıynsha kóp jumys atqardyq. Al Qyrǵyzstanda oryn alǵan daǵdarys ta óte sátti sheshimin tapty dep aıta alamyn. Budan bólek, Qazaqstannyń sol eldegi toleranttyqty qamtamasyz etý baǵytyndaǵy jumysy da joǵary deńgeıde júzege asty», - dedi M. Brıshambo.
Sonymen qatar, Bas hatshy EQYU Sammıti boıynsha uıymǵa qatysýshy memleketter tarapynan Aýǵanstan máselesin talqylaýǵa qatysty úlken múddelilik bolǵanyn atap ótti. «Birneshe kún buryn atalmysh másele Lıssabonda ótken NATO otyrysynda kóterilgen bolatyn. Onyń jumysyna Prezıdent N. Nazarbaev ta qatysqan edi», - dedi Bas hatshy.
