EQYU sammıtinde paıdalanylatyn nysandar TJM tarapynan qatań tekserýge alyndy
STANA. Qazannyń 14-i. QazAqparat /Marlan Jıembaı/ - EQYU Sammıtinde paıdalanylatyn elordanyń barlyq nysandary elimizdiń Tótenshe jaǵdaılar mınıstrligi tarapynan qatań tekserýge alyndy. Bul týraly búgin BNews.kz portalynda ótken onlaın-konferentsııa barysynda QR Tótenshe jaǵdaılar mınıstri V.Bojko málim etti.
Bul oraıda óndiristik qaýipsizdik turǵysynan alyp qaraǵanda órt qaýipsizdigi júıesi, lıft sharýashylyǵy syndy negizgi máseleler mınıstrlik quzeretine jatatyndyǵyn aıtqan ol: «Biz qazirgi ýaqytta EQYU barysynda paıdalanylatyn árbir nysannyń qyzmetkerlerimen kezdesýler ótkizip, nusqaýlyqtar beremiz. Oqıǵa barysynda atqaratyn habarlandyrý, qaýipsiz jerge kóshirý syndy is-sharalardy pysyqtaımyz», -dedi.
Sondaı-aq, mınıstr EQYU qarsańynda mınıstrliktiń kúsheıtilgen kezekshilik nusqasyna kóshetindigin ári árbir nysanda óz ókilderiniń otyratyndyǵyn basa aıtty.
