EQYU Sammıti ótkiziletin kezeńde qazaqstandyq polıtsııa kúsheıtilgen jumys rejimine kóshedi
STANA. Tamyzdyń 26-sy. QazAqparat /Murat Jákeev/ - Astanada jeltoqsannyń 1-2-si kúnderi ótetin EQYU múshe-elderi memleket basshylarynyń Sammıti kezinde qazaqstandyq polıtsııa kúsheıtilgen jumys tártibine kóshedi. Bul týraly búgin Astana ІІD-de ótken baspasóz brıfıngi kezinde qoǵamdyq qaýipsizdik basqarmasynyń bastyǵy Batyrlan Esenbaı aıtty.
Onyń aıtýynsha, bul maqsatqa Astana ІІD óziniń shatyndaǵy qyzmetkerlermen qatar respýblıkanyń basqa da aımaqtarynan qosymsha qyzmetkerler tartady.
«EQYU qatysýshy elderi memleket basshylarynyń Sammıtin ótkizý kezinde 4 000-nan astam polıtsııa qyzmetkerlerin tartý kózdelip otyr, onyń 2 myńnan astamy respýblıkanyń basqa da aımaqtarynyń polıtseıleri. Olar Almaty, Aqmola, Soltústik Qazaqstan, Qostanaı, Pavlodar jáne Qaraǵandy oblystarynyń polıtseıleri bolmaq», - dedi B.Esenbaı.
ІІD ókili baspasóz brıfıngi barysynda Astanada jeltoqsannyń basynda bolatyn Sammıtke EQYU qatysýshy-elderiniń 50-den astam prezıdentteri men memleket basshylary, sondaı-aq 12 áriptes elderdiń jáne 55 halyqaralyq uıymnyń ókilderi, EQYU hatshylyǵynyń 110 qyzmetkeri jáne 800-ge tarta olarǵa erip júrgen adamdar keledi dep kútilýde.
Astana ІІD málimetterine qaraǵanda, Sammıtke keletin qonaqtardyń jalpy sany 5 myńnan astam adamdy quraıdy.
«Astanadaǵy Sammıti ótkizý qarsańynda qoǵamdyq tártip pen jol qaýipsizdigin qamtamasyz etý úshin ІІD basshylyǵy barlyq qajetti sharalardy qolǵa alady», - dedi polıtsııa ókili.
