EQYU Sammıti ótetin kúnderi QR Prezıdenttik mádenıet ortalyǵy Sammıt qatysýshylary men qonaqtaryna keń kólemdi mádenı baǵdarlama usynady

Kelgen qonaqtar Memlekettilik tarıhy mýzeıiniń «Táýelsiz Qazaqstan jáne onyń negizin qalaýshy N.Á. Nazarbaev», «Qasıet», «Etnografııa», «Arheologııalyq» galereıa, «Saq», «Qazaq álemi. I.Tasmaǵanbetovtyń jeke kollektsııasy», «Tarıhı» galereıa jáne «Astananyń búgingisi men ótkeni» týraly zaldarynan «Kórkemsýret» galereıasynan Qazaqstannyń ejelgi dáýirden osy kúnge deıingi baı tarıhynan maǵlumat beretin biregeı eksponattar kollektsııalarymen tanysa alady.

Qonaqtar nazaryna «Astana: ótkeni men búgingisi», «Elbasy jáne Elorda» jáne «Qazaqstan - EQYU-na tóraǵa» atty fotokórmeler usynylady.

«Astana: ótkeni men búgingisi», «Elbasy jáne Elorda» dep atalatyn fotokórmede Eýrazııa qurlyǵynyń eń ádemi qalalarynyń birine aınalǵan Qazaqstannyń jas astanasynyń damýy, qalyptasý kezeńderi men Astanany qurýǵa qaıtalanbas qoltańba qaldyrǵan Elbasynyń eren eńbekteri kórinis tapqan.

«Qazaqstan - EQYU-na tóraǵa» atty fotokórme Qazaqstannyń EQYU-na tóraǵa bolýyna arnalady. Fotosýretterde 2010 jyldyń hronıkasy, Elbasy N.Nazarbaevtyń Eýropa elderiniń basshylarymen kezdesýleri, Qazaqstan Respýblıkasynyń EQYU-na tóraǵalyq etý barysyndaǵy tarıhı mańyzdy oqıǵalar kórinis tapqan.

Mýzeıdiń jumys ýaqyty: kúndelikti saǵat 10.00 den 19.00 ge deıin.

QR Prezıdenttik mádenıet ortalyǵynyń kontsert zalynda Sammıt qatysýshylary men qonaqtary qazaqtyń úzdik jeztańdaı ánshileriniń oryndaýyndaqazaqtyń dástúrli jáne klassıkalyq ánderdiń kontsertin tamashalaıdy.

28 qarasha, saǵat 19.00 «Saryarqa» ansambli men «Shalqyma» bı ansambliniń qatysýymen folklorlyq kontsert.

29 qarasha, saǵat 19.00 «Aqjaýyn» memlekettik kameralyq orkestriniń kontserti.

2 jeltoqsan, saǵat 19.00 Qurmanǵazy atyndaǵy ulttyq aspaptar orkestriniń kontserti.