EQYU Sammıti - Qazaqstan men Prezıdent Nursultan Nazarbaevqa kórsetilgen eń joǵary senim - QSZI sarapshysy
ALMATY. 18 qarasha. QazAqparat /Erbol Azanbek/ - Qazirgi Qazaqstannyń jeńisi men tabysy kóp. Astanada ótetin EQYU-ǵa múshe elder basshylarynyń sammıti - osyndaı iri jetistikterdiń biri.
Búgin Almatyda ótken «Astanadaǵy EQYU Sammıti: gýmanıtarlyq yntymaqtastyqty keńeıtý» atty «dóńgelek ústel» barysynda QR Prezıdenti janyndaǵy Qazaqstannyń strategııalyq zertteýler ınstıtýtynyń bas ǵylymı qyzmetkeri, saıası ǵylymdar doktory ıÝrıı Býlýktaev osyndaı pikir aıtty.
ıÝ.Býlýktaevtyń sózine qaraǵanda, 55 eldiń basshylary men úkimet basshylarynyń, 60 halyqaralyq uıymdardyń, 500 ÚEU ókilderiniń sammıtke qatysýǵa kelisim berýi sammıttiń tek qana iri shara emes, sonymen qatar Qazaqstandy halyqaralyq deńgeıde moıyndaý men bedeliniń belgisi. «Qazaqstan úshin Sammıt - álemdegi qaýipsizdikti qalyptastyrý baǵytynda halyqaralyq isterge qatysýdaǵy jańa kezeń. Sondaı-aq Qazaqstan men onyń prezıdenti Nursultan Nazarbaevqa bildirilgen úlken senim. EQYU-ǵa múshe elder basshylarynyń sammıtke qatysýǵa kelisim berýi tek qana zamanaýı shaqyrtýlar men qaýip-qaterge óz qózqarastaryn bildirý emes, sonymen qatar Qazaqstandy tabysty, turaqty memleket retinde moıyndaýy dep bilemin»,- dedi QSZI sarapshysy. Onyń pikirinshe bul moıyndaý Qazaqstannyń saıası, ekonomıkalyq, áleýmettik saladaǵy damýy men ishki saıasatty tabysty júrgizý arqasynda ishki jaǵdaıy turaqty memleketke aınalýynyń nátıjesinde oryn alyp otyr.
«Qazaqstanda sońǵy jyldary ishki saıası jáne ekonomıkalyq jaǵdaıdyń turaqtylyǵy men tabystylyǵy postkeńestik elderge úlgi bolýda. Qazaqstan -álemdik qarjy daǵdarysyn asa shyǵynsyz, qıyndyqsyz ótkizgen sanaýly elderdiń biri. Elde tek turǵyn úı salasy ǵana emes, áleýmettik salalardyń -mektep, aýrýhana, sporttyq jáne mádenı nysandardyń qurylysy júrgizilýde. Eski ǵımarattar men joldar jóndelip jatyr. Qazaqstan bıligi teńestirilgen ishki saıasat júrgizýde. Bul tek qana Qazaqstan dıplomatııasynyń jáne ishki saıası vedomstvolardyń tabysy emes, búkil Qazaqstan halqynyń jetistigi. Bul jetistiktiń bastaýy - el basshylarymen memleket pen qoǵamnyń damý baǵyty retinde tańdalyp alynǵan saıası jańǵyrý, turaqtylyq»,- dep atap ótti ıÝ.Býlýktaev.
Álemdik qaýymdastyqtyń moıyndaýynsha, Qazaqstan qazirgi kezde tek TMD elderinde ǵana emes, Shyǵys Eýropada da ekonomıkalyq reformalardyń sapasy men aýqymy, deńgeıi jóninde jetekshi orynda. Qazaqstan qazir halyq sany jaǵynan Ortalyq Azııanyń tórtten birin qurasa, kiris jóninen úshten ekisin qamtamasyz etedi. Úsh halyqaralyq reıtıng agenttigi Respýblıkaǵa halyqaralyq ınvestıtsııalyq reıtıng berdi. Memleket tarapynan azamattardyń saıası quqyǵy men erkindigi, demokratııalyq úrdisterdiń jyldamdaýy turaqty jolǵa qoıyldy», dedi saıasattanýshy.
«Qazaqstannyń saıası turaqtylyqqa qol jetkizýi ishki saıası úrdisterdiń parametrlerin turaqty túrde ózgertý arqyly júzege asyrylýda. Shyn máninde Qazaqstan qoǵamyn áleýmettik-ekonomıkalyq ózgertý turǵysynda saıası turaqtylyq birinshi orynǵa shyqqany ras. Óıtkeni bul memlekettiń qaýipsizdigi men basqa salalardaǵy ózgeristerdiń tıimdiligimen tyǵyz baılanysty. Saıası turaqtylyq bıliktiń problemalarymen tyǵyz baılanysty. Óıtkeni qoǵamǵa tıimdi, jaýapkershiligi mol bılik qajet. Bul rette bılik Qazaqstandaǵy saıası turaqtylyqty óte joǵary deńgeıge kóterdi. Qazir qoǵam aýyzbirshiligi myqty bolsa aýqymdy jetistikterge qol jetkize alatynyn túsindi. Bul rette Qazaqstandy eń turaqty el retinde kez kelgen memleket moıyndaıdy », dep atap ótti sarapshy.
