EQYU Sammıti qarsańynda Qazaqstan Respýblıkasy Bilim jáne ǵylym mınıstrligi elorda oqýshylaryna syılyq tartý etti
ANA. 28 qarasha. QazAqparat - Elimizde ótkeli jatqan tarıhı mańyzdy - EQYU Sammıti qarsańynda Qazaqstan Respýblıkasy Bilim jáne ǵylym mınıstrligi elorda oqýshylaryna syılyq tartý etti, dep habarlady Qazaqstan Respýblıkasy Bilim jáne ǵylym mınıstrliginiń baspasóz qyzmeti.
Astana qalasynyń 100 eń úzdik oqýshysyna - ıntellektýaldyq saıystar, oıyndar jeńimpazdary men júldegerlerine Almaty qalasyndaǵy «Taý kúni» lagerine oqý-tanymdyq aýysymyna joldamalar tapsyryldy.
28 qarashadan 5 jeltoqsanǵa deıin (oqýshylardyń kúzgi demalys kúnderi aýysqan merzimi) balalar Almaty qalasynda umtylmas kúnderdi ótkizedi.
«Daryn» respýblıkalyq ǵylymı-praktıkalyq ortalyǵy uıymdastyrǵan oqý-tanymdyq aýysym qatysýshylaryna arnaıy baǵdarlama daıyndalǵan. Baǵdarlamaǵa sáıkes oqýshylar túrli ıntellektýaldyq saıystarǵa, oıyndarǵa, trenıngterge, dáristerge qatysyp, óz bilimderin tolyqtyrýǵa múmkindik alady.
Barlyq is-sharalar oqýshylardyń tanymdyq belsendiligin qalyptastyrýǵa, ózindik jumys barysynda ǵylymı-zertteý qyzmetine qyzyǵýshylyǵyn damytýǵa baǵyttalǵan.
Sonymen qatar, oqýshylar Almaty qalasynyń mádenı ortalyqtaryna, kórnekti oryndaryna, Kóktóbe taýyna tanysý saıahattaryna barady.
