EQYU Sammıti qarsańynda elordalyq polıtseıler sheteldiktermen tildesýdiń bazalyq bilimderin ıgerýde
ASTANA. Qazannyń 12-si. QazAqparat /Jasulan Amanbaıuly/ - EQYU-ǵa múshe Memleket basshylarynyń Astanada ótetin Sammıti qarsańynda elordalyq polıtseıler sheteldiktermen tildesýdiń bazalyq bilimderin ıgerýde. Bul týraly búgin «QazAqparat» tilshisine Astana qalalyq Іshki ister departamentiniń Memlekettik til jáne aqparat bóliminiń bastyǵy Nurdildá Oraz málim etti.
«EQYU sammıti kezinde sheteldik meımandarǵa durys jol baǵytyn kórsetip, kómektesip, kerek bolsa olarmen erkin tildesýi úshin bizdiń polıtseılerdi oqytý jumystary júrip jatyr», - dep atap kórsetti N. Oraz.
Onyń sózine qaraǵanda, qalalyq departament soǵan oraı polıtseılerdiń júris-turys erejeleri men kásibı leksıkanyń negizgi termınderi qazaq, orys jáne aǵylshyn tilderinde usynylǵan arnaıy sózdikterdi basyp shyǵarǵan.Bul quraldar qazirgi ýaqytta eń utqyr jáne tıimdi. Osyndaı sózdikter quqyqqorǵaýshylardyń barlyǵyna taratylyp berilgen.
