EQYU Sammıti qarsańynda elordalyq polıtseıler kúsheıtilgen qyzmet rejımine aýystyryldy - ІІM
ASTANA. Qyrkúıektiń 8-i. QazAqparat /Damır Baımanov/ - EQYU Sammıtiniń qarsańynda elordalyq polıtseıler kúsheıtilgen qyzmet rejımine aýystyryldy. Bul týraly sársenbi kúni brıfıngte Іshki ister mınıstriniń baspasóz hatshysy Qýanyshbek Jumanov málim etti.
Onyń aıtýynsha, qazir saıajaı massıvterinde, bazarlar men adamdar kóp jınalatyn basqa da oryndarda tekserýler júrip jatyr. Qaladaǵy kóshi-qon úderisteri qatań baqylaýǵa alyndy. Búgingi tańda zańmen problemalary bar 500-den astam sheteldik azamat elordadan shyǵaryldy.
«Arnaıy esepterde turǵan tulǵalar tekserilip, sammıt ótetin kúnderi olardyń bolatyn jerleri naqtylanýda. Ásirese, atys qarýlary bar azamattarǵa jiti nazar aýdarylýda», dep atap kórsetti Q.Jumanov óz sózinde.
«Jol polıtsııasy qyzmetkerleri apta saıyn jedel- aldyn alý sharalaryn ótkizip turady. Sharanyń qaýipsizdigin qamtamasyz etý úshin qalaǵa kireberisterdiń bárin 6 blokpostpen jabý, jol polıtsııasynyń barlyq qyzmetkerlerin zamanaýı tehnıkalarmen jáne arnaıy jabdyqtarmen jaraqtaý da josparlanýda», dep habarlady vedomstvo ókili.
Sammıt ótetin kúnderi Qostanaı, Qaraǵandy jáne Pavlodar oblystarynyń ishki ister organdarynan 2,5 myńdaı qyzmetker elordalyq saqshylarǵa kómekke keledi.
