EQYU Sammıti qarsańynda Astanada balalar men jasóspirimder arasynda qylmystyq ahýaldy jaqsartý maqsatynda is-sharalar jospary bekitildi

Balalardy qadaǵalaýsyz qaldyrýdy, jasóspirimder arasyndaǵy qylmysty, nashaqorlyq pen maskúnemdikti eskerte otyryp, salaýatty ómir saltyn nasıhattaýǵa baǵyttalǵan is-sharalar josparyn Astana qalalyq Іshki ister departamentiniń Esirtki bıznesine qarsy kúres basqarmasy, Salaýatty ómir saltyn qalyptastyrý ortalyǵy men «Jas Otan» jastar qanaty ázirledi.

Onyń sheńberinde esirtkige qarsy kúreske baǵyttalǵan kópshilikke arnalǵan sharalar uıymdastyrylady, atap aıtqanda, túrli aktsııalar, sletter, sporttyń ár túri boıynsha týrnırler men jarystar jáne taǵy basqalar.

Salaýatty ómir saltyn qalyptastyrý ortalyǵynyń dırektory Marat Qurmanovtyń aıtýynsha, alǵashqy shara búgin bastalady. «Jas Otan» jastar qanatynyń músheleri qala boıynsha Astanalyq ІІD Esirtki bıznesine qarsy kúres basqaramasynyń anonımdi telefondary kórsetilgen stıkerlerdi ilip shyqpaq.

Budan keıin, qazannyń 1-16-sy aralyǵynda «Famous» oıyn-saýyq kesheninde orta bilim berý mekemeleriniń bı ujymdary arasynda jalpyqalalyq baıqaý ótedi.

Sondaı-aq, qyrkúıektiń ekinshi onkúndiginde jáne qazan aıynda orta mektepterdiń arasynda fýtboldan jalpyqalalyq týrnır men eń úzdik sýret, beınerolık, plakat jáne shyǵarma boıynsha shyǵarmashylyq baıqaý uıymdastyrylady.

Al arnaıy bilim berý mekemeleriniń qatysýshylary úshin Psıhologııalyq teatr «Qara men aqtyń kúndeligi» atpen esirtkige qarsy qoıylym usynady.

Іs-sharalardyń ótkizilý orny jáne ýaqyty jaıynda tolyq aqparatty www.ast.dvd.mvd.kz saıtynan bilýge bolady.