EQYU Sammıti qarsańynda: «Astana sammıti Aýǵanstandy turaqtandyrý jónindegi kúsh-jigerge qýatty serpin bere alady»
«Sammıt - Elbasy saıasatynyń saltanaty». «Egemen Qazaqstan» gazetiniń 24 qarashadaǵy nómirinde osy taqyryppen jaryq kórgen maqalanyń avtory - "Samuryq-Qazyna" ulttyq ál-aýqat qorynyń basqarýshy dırektory, "Nur Otan" HDP Saıası keńesiniń múshesi Darhan Káletaev. Avtor maqalasynda az ǵana tarıhı ýaqyttyń ishinde aıaǵynan tik turyp, táýelsiz, baqýatty memleket quryp qana qoımaı, álemdik qaýymdastyqtyń ortasynan laıyqty oryn alǵan Qazaqstan sııaqty el sırek ekendigine basa nazar aýdarǵan. «Qazaqstan osy bastamalarynyń aıasynda Eýropamen de qatynasyn ábden nyǵaıtty. Qazaqstannyń syrtqy saıasatta árdaıym teń quqyly, ornyqty, ashyq ári beıbit saıasat ustanyp otyrǵanyna Eýropanyń da, AQSh pen Qytaıdyń da, ózge memleketterdiń de kózderi jetti. Bizdiń ózara senim men yntymaqtastyǵymyz ekonomıkalyq qana emes, saıası turǵyda da jańa beleske kóterildi. N.Nazarbaevtyń halyqaralyq sarabdal saıasaty týraly aıtqanda, biz osy jaıttardy birinshi qatarǵa qoıýymyz kerek. EQYU sııaqty bedeldi uıymnyń tizginin Qazaqstanǵa ustatý arqyly álemdik qaýymdastyq Qazaqstannyń, Qazaqstan Prezıdentiniń álem aldyndaǵy bedeli men belsendiligin tanyp, qýattap otyr. Tıisinshe, Qazaqstan tóraǵalyq etken bir jyldyń ishinde EQYU-nyń bedeli men belsendiligi de meılinshe artty. Astana Sammıti Qazaqstannyń tarıhı tóraǵalyǵynyń jarqyn kórinisi, jemisti nátıjesi bolmaq», - deıdi D. Káletaev.
«Aıqyn» gazetiniń 23 qarashadaǵy nómirinde «Astana sammıti Aýǵanstandy turaqtandyrý jónindegi kúsh-jigerge qýatty serpin bere alady» degen taqyryppen maqala jarııalandy. Maqalaǵa osydan biraz kún buryn Elbasy Nursultan Nazarbaev qatysqan Portýgalııa astanasy Lıssabondaǵy Soltústik-atlanttyq áskerı uıymnyń (NATO) sammıti arqaý bolǵan. Basylymnyń jazýynsha, QR Prezıdenti sammıttiń aýǵan taqyryby boıynsha keńesine qatysqan. N.Nazarbaev óz sózinde Qazaqstan Eýropadaǵy qaýipsizdik jáne yntymaqtastyq uıymyna tóraǵalyǵynyń alǵashqy kúnderinen-aq aýǵan taqyrybyn óziniń basymdyqtarynyń biri dep jarııalaǵanyn atap kórsetken. "Bul tabıǵı qadam edi, óıtkeni Qazaqstan qaýipsizdikke járdemdesý halyqaralyq kúshterine qosylǵan Ortalyq Azııadaǵy alǵashqy memleket bola otyryp, halyqaralyq koalıtsııa kúshterine kóp jyldan beri qoldaý kórsetip keledi», - dep atap ótken Memleket basshysy.
«Keshe Astanadaǵy Beıbitshilik jáne kelisim saraıynda Eýropadaǵy qaýipsizdik jáne yntymaqtastyq uıymynyń 7-nshi Sammıti qarsańynda Sholý konferentsııasy bastaldy. Úsh kúnge sozylatyn atalǵan konferentsııanyń aıasynda Úkimettik emes uıymdardyń forýmy ótti. Onda "EQYU-nyń adamı ólshemi qyzmeti boıynsha barlyq ustanymdary men mindetteriniń oryndalýyna sholý jasaý", "Keleshekke qajetti jobalar men usynystardy talqylaý" taqyryptary boıynsha birneshe baǵyttarda sessııa jumystary uıymdastyryldy. Álemdegi eń bir jetekshi, qyzmet etý aıasy keń uıymdardyń biri sanalatyn EQYU-nyń negizgi ustanymdarynyń biri - ol gýmanıtarlyq ólshemge, ıaǵnı adamı qundylyqtardy dáripteý men ulyqtaýǵa negizdeletini belgili. Al Qazaqstan atalǵan Uıymǵa tóraǵalyq etý tizginin berik ustaǵan kúnnen bastap osy adamı ólshem baǵytyna aıryqsha nazar aýdaryp keledi», dep jazady «Egemen Qazaqstan» gazeti 27 qarashada jaryq kórgen «EQYU-nyń Sholý konferentsııasy: Adamı qundylyqtardy dáripteý - uıym qyzmetiniń basym baǵyty» atty maqalasynda.
«Aıqyn» gazetiniń 26 qarashadaǵy nómirinde QR-nyń Frantsııadaǵy Tótenshe jáne Ókiletti Elshisi Nurlan Dánenovten alynǵan suhbat «Frantsııa EQYU sammıtine qoldaý kórsetedi» degen taqyryppen berildi. Basylym tilshisiniń saýaldaryna egjeı-tegjeıli jaýap bergen Elshi: «Búgin biz Frantsııamen jańa, sapaly deńgeıdegi yntymaqtastyqtyń prıntsıpıaldy qatysýshysy jáne kýágeri bolyp otyrmyz. Bul rette N.Nazarbaev pen N.Sarkozıdiń arasyndaǵy jeke bas faktory, dostyq jáne senim negizindegi ózara qatynasy eki el strategııalyq áriptestiginiń damýynda aıqyndaýshy mán-maǵyna oınaıdy. Osy mán-jaıdyń arqasynda baryp Frantsııa Qazaqstannyń tıisti Kelisim-shartqa qol qoıǵan Batys Eýropadaǵy birinshi eli boldy. Tek Halyqaralyq arenada tájirıbeli, nátıjeli jáne bedeldi saıasatker Prezıdent N.Nazarbaevpen Frantsııa basshysy álemdik saıasat jáne qaýipsizdiktiń kókeıkesti problemalary boıynsha turaqty túrde dıalog júrgizýge múddeli», - deıdi.
Sanaýly kúnderden keıin qazaq eliniń tórinde ótetin EQYU Sammıti dúnıejúzilik BAQ-tyń nazaryna ilikkenine biraz ýaqyt boldy. Osynaý aıtýly tarıhı bas qosýdy ótkizgeli otyrǵan elimizdiń saıası, ekonomıkalyq, mádenı jetistikteri olarda jıi kóterilip, álem jurtshylyǵyna pash etilýde. «Egemen Qazaqstan» gazetiniń 26 qarashadaǵy nómirinde solardyń birparasy jaryq kórip otyr. Máselen, EuroNews basylymynyń jazýynsha, RF-nyń EQYU-daǵy Turaqty ókili Anýar Azımov sammıttiń Qazaqstan usynyp otyrǵan qorytyndy qujatyndaǵy basymdyqtardy Reseıdiń qoldaıtyndyǵyn jetkizgen. Al Itar-TASS agenttigi bylaı dep jazady: «Sammıt ótetin kúnderi órt jáne ónerkásiptik qaýipsizdikti saqtaý úshin Astanada 557 qutqarýshy adamdar men 95 tehnıka jáne Tótenshe jaǵdaılar mınıstrliginiń 2 tikushaǵy jumys isteıtin bolady».
«Alash aınasy» gazetiniń 25 qarashadaǵy sanyndaǵy «Dat!» aıdarynda QR Parlamenti Májilisiniń depýtaty Aldan Smaıylmen aradaǵy suhbat «BUU-nyń kúshi álsiregen shaqta, EQYU-nyń yqpaly kúsheıýi jahan úshin aýadaı qajet» degen taqyryppen berilgen. Tilshiniń barlyq saýaldaryna tuşymdy jaýap bergen halyq qalaýlysy: «Alash eli alda turǵan oqıǵanyń mán-mazmunyn, onyń EQYU-ǵa múshe elderge, odan tys memleketterge tıgizetin ıgi yqpalyn aldyn ala tereń sezine de bermespiz. Bir aqıqattyń basy ashyq: búginde Qazaqstan jáne onyń Tuńǵysh Prezıdenti jahanǵa jaqqan, álemdi úndestik pen ózara senimge bastaǵan tyń ıdeıalarymen halyqaralyq bıikke kóterilse, kúni erteń Astana Qazaq eliniń tórinen ǵalamnyń tórine aınalady»,- deıdi.
«Gaagada (Nıderlandy Koroldigi) Qazaqstan elshiliginiń bastamasy boıynsha keshe bolǵan konferentsııada etnodinı pikir alýandyǵy men kóshi-qon máseleleri talqylandy», - dep jazady «Kazahstanskaıa pravda» gazeti 26 qarashadaǵy sanynda. «Qazaqstannyń EQYU-ǵa tóraǵalyq etýi aıasynda uıymdastyrylǵan sharaǵa Senattyń Áleýmettik-mádenı damý komıtetiniń tóraǵasy Aqan Bıjanov bastaǵan qazaqstandyq parlamentshiler belsendi túrde qatysýda. Konferentsııada Qazaqstan delegatsııasynyń basshysy A.Bıjanov negizgi baıandama jasady. Talqylanyp otyrǵan taqyryptyń ózekti ekenin atap óte kelip, senator "toleranttylyq pen mádenıetaralyq únqatysýdy ilgeriletý EQYU-ǵa Qazaqstannyń tóraǵalyq etýindegi negizgi basymdyq jáne "qosymsha qun" retinde qarastyrylatynyn" aıtty. Sonymen qatar ol EQYU-ǵa tóraǵalyq etken kezdegi Qazaqstannyń bastamalary týraly aıta kelip, ultaralyq jáne konfessııaaralyq kelisimdi nyǵaıtý salasyndaǵy memlekettik saıasat máselelerine toqtaldy», -dep jazady basylym.
«Trend» Ázirbaıjan aqparat agenttigi 26 qarashada EQYU janyndaǵy Lıtvanyń turaqty ókili Renatas Norkýstiń «Qazaqstan EQYU-daǵy óz tóraǵalyǵyn óte saýatty ári kásibı turǵyda atqarýda. Ári biz barlyǵymyz úırenýdemiz», - degen sózin jarııa etti.
Onyń pikirinshe, Astanada EQYU Sammıtin ótkizý - Qazaqstan Prezıdenti men Úkimetiniń óte zor eńbegi. Sondaı-aq R.Norkýs Astana sammıti ózine júktelgen senimdi aqtaıtynyna ári osydan keıin uıymnyń qýattana túsetine úmit artqan.
«CA-NEWS» aqparattyq-jańalyq portaly 27 qarashada «EQYU Qazaqstannyń adam saýdasymen kúresý jumystaryndaǵy jetistikterin eskeredi» degen aqparat jarııalandy. Bul týraly Astanada ótken EQYU-nyń Sholý konferentsııasynyń baspasóz máslıhatynda EQYU-nyń adam saýdasymen kúres jónindegi arnaıy ókili jáne úılestirýshisi Marııa Gratsııa Djıammarınaro aıtqan.
«EQYU-daǵy Qazaqstan tóraǵalyǵy adam saýdasymen kúresti óz tóraǵalyǵynyń saıası basymdyqtarynyń birine aınaldyrdy. Bul Qazaqstannyń tóraǵa retinde osy problemamen tıimdi ári josparly kúresý qajettigin túsingendigin bildiredi. Biz bolashaq tóraǵalar da osy baǵyttarda jyljyp, Qazaqstannyń qol jetkizgen jetistikterin damytatyndyqtaryna senim artamyz», - deıdi ol.
