EQYU sammıti barysynda qaýipsizdik máselesine den qoıý kúsheıtiletin bolady - TJM
ANA. 15 qarasha. QazAqparat /Qanat Mámetqazyuly/ -Tótenshe jaǵdaılar mınıstrligi EQYU Sammıti barysynda qaýipsizdik máselesine den qoıýdy kúsheıtetin bolady. Bul týraly búgin QR Parlamenti Májilisindegi Úkimet saǵatynda Tótenshe jaǵdaılar mınıstri Vladımır Bojko aıtty.
«EQYU Sammıti men Qysqy Azıada oıyndary barysynda ónerkásiptik jáne órt qaýipsizdigin qamtamasyz etýge qatysty kóp sharalar atqarylyp jatyr. Biz órt qaýipsizdigine qatysty barlyq nysandardy, onyń ishinde órt qaýipsizdigi erejeleriniń saqtalýyn tolyq tekserip shyqtyq. Sot arqyly birqatar uıymdardy órtke qarsy barlyq sharalardy oryndaýǵa májbúrledik. Osyǵan oraı qonaqúıler men resmı sharalar ótetin nysandardaǵy órt qaýipsizdigi saqadaı saı dep aıtýǵa bolady», - dedi mınıstr. Onyń aıtýynsha, búgingi kúni sammıtke qatysty tótenshe jaǵdaılar baǵyty boıynsha qosymsha kúshter tartylyp, olardy ornalastyrý oryndary anyqtalǵan. Al qyzmetkerler kúsheıtilgen rejımde jumys isteıtin bolady.
«Sonymen birge, sammıt barysynda tótenshe jaǵdaılar jelisi boıynsha astanalyqtarǵa qandaı da bir shekteýler jasalmaıdy. Degenmen, biz ǵımarattardaǵy, qurylystardaǵy qaýipsizdik máselesine den qoıýdy kúsheıtetin bolamyz. Máselen, tyıym salynǵan oryndarda temeki shegilmeýin qatań baqylaımyz. ıAǵnı azamattardan oryndalýy qarapaıym ári asa qajetti sharalardy tolyq talap etetin bolamyz», - dedi mınıstr.
