EQYU Sammıti aıasynda «The Astana Times» gazeti jaryqqa shyqty
ASTANA. 29 qarasha. QazAqparat /Arman Asqarov/ - EQYU Sammıti qarsańynda «The Astana Times» gazeti jaryqqa shyǵyp otyr. Bul jańa basylymǵa qazaq tilinen tikeleı aǵylshyn tiline aýdara alatyn kásibı mamandar qajet.
Bul týraly búgin Sammıttiń baspasóz ortalyǵynda ótken jýrnalıstermen kezdesý barysynda «Egemen Qazaqstan» gazetiniń prezıdenti Saýytbek Abdrahmanov aıtty.
Onyń habarlaýynsha, búginde jańadan ashylǵan gazetke túsetin qazaq tilindegi materıaldar, eń birinshi, orysshaǵa, odan keıin aǵylshyn tiline aýdarylady. «Bul - májbúrlik shemasy. Sebebi bizde qazaq tilinen tikeleı aǵylshyn tiline aýdara alatyn kásibı mamandar jetispeıdi. Aldaǵy ýaqytta biz ondaı mamandardy jumysqa tartý arqyly bul máseleni sheshemiz dep oılaımyn», - deıdi S.Abdrahmanov.
S.Abdrahmanov atap kórsetkendeı, EQYU Sammıti, Azıada jáne taǵy basqa úlken halyqaralyq jıyndarǵa oraı shyǵatyn «The Astana Times» gazetiniń búgingi taralymy 6 myń danany qurap otyr.
