EQYU Sammıti aıasynda BAQ ókilderine arnalǵan qabyldaý bolatyn Han Shatyrda sańyraý rep-mýzykant Saınmark óner kórsetedi - Fınlıandııa SІM basshysynyń arnaıy elshisi
ASTANA. 1 jeltoqsan. QazAqparat - Astanadaǵy Fınlıandııa Elshiligi 2010 jyldyń 1 jeltoqsany kúni EQYU Sammıti aıasynda BAQ ókilderine arnalǵan qabyldaý bolatyn Han Shatyrda Saınmark (Signmark) atty laqap atymen kóbirek tanylǵan sańyraý Marko Výorıheımo rep-mýzykant óner kórsetetindigin habardar etti.
2 jeltoqsan kúni «Farhı» meıramhanasynda Fınlıandııa syrtqy ister mınıstri Aleksandr Stýbbanyń kemtar adamdardyń quqyǵyn qorǵaý máseleleri jónindegi arnaıy elshisi bolyp taǵaıyndalǵan rep-mýzykant Saınmarktyń jáne azamattyq uıymdardyń qatysýymen EQYU-nyń múgedekter máseleleri jónindegi is-sharasy bolady.
Aǵymdaǵy jyldyń qyrkúıeginen bastap Saınmark Aleksandr Stýbbanyń arnaıy elshisi retinde álemniń otyzǵa tarta elinde óner kórsetken.
Ártis jaıly tolyq aqparatty ǵalamtordaǵy myna http://www.signmark.biz/site/en/home adres boıynsha bile alasyzdar.
