EQYU Parlamenttik Assambleıasynyń Bas hatshysy Almatyda kezdesý ótkizdi
Y. Mamyrdyń 13-i. QazAqparat /Erbol Azanbek/ - Elimizde jumys saparymen júrgen EQYU Parlamenttik Assambleıasynyń Bas hatshysy Olıver Spenser Abaı atyndaǵy Qazaq ulttyq pedagogıkalyq ýnıversıtetiniń professor-oqytýshy quramymen, stýdentterimen kezdesti,
dep habarlaıdy QazAqparat.
Kezdesý barysynda mártebeli meıman EQYU qyzmeti, qazirgi tańdaǵy atqaryp jatqan jumystaryna toqtaldy. Ol óz sózinde EQYU aǵymdaǵy jáne aldaǵy ýaqyttaǵy maqsat-mindetterin atap ótip, qazir tóraǵalyq etip jatqan elimizdiń qyzmetine baǵa berdi. Olıver Spenserdiń sózine qaraǵanda, Qazaqstan EQYU tóraǵalyǵyn abyroıly atqarýda. Ol sondaı-aq erteń Almatyda ótetin EQYU -nyń Eýrazııalyq ólshemderi» atty Transazııalyq parlamenttik forým jumysyn mańyzdy dep atap ótti. «Daǵdarys, jańa ekonomıkalyq ólshemder álemmen qatar EQYU-ǵa da jańa mindetter júkteıdi. Erteńgi forým barysynda uıymnyń aldyndaǵy mindetter men maqsattar aıqyndalatyn bolady», dedi Bas hatshy. Kezdesý barysynda ýnıversıtet rektory Serik Pirálıev Olıver Spenserge Abaı atyndaǵy Qazaq ulttyq pedagogıkalyq ýnıversıtetiniń Qurmetti professory ataǵyn tapsyrdy.
Erteń EQYU Parlamenttik Assambleıasynyń Bas hatshysy Almatyda ótetin «EQYU -nyń Eýrazııalyq ólshemderi» atty Transazııalyq parlamenttik forým jumysyna qatysady.
