EQYU Ortalyǵynyń qoldaýymen Qazaqstandaǵy eńbek kóshi-qonynyń genderlik qyrlary atty óńirlik joba júzege asady

. Bul týraly búgin QR Parlamenti Senatynda «Qazaqstan Respýblıkasyndaǵy kóshi-qon protsesteri jáne kóshi-qon salasyndaǵy zańnamany jetildirý perspektıvalary» taqyrybyna arnalǵan ǵylymı-praktıkalyq konferentsııa barysynda Astanadaǵy EQYU Ortalyǵynyń basshysy, Elshi Aleksandr Kelchevskıı málim etti.

«Bizdiń oıymyzsha, búgingi kúni kóbirek nazar aýdarýdy qajet etetin faktordyń biri kóshi-qonnyń genderlik kórinisi. Búgingi kúni álem boıynsha mıgranttardyń jartysyna jýyǵy áıelder. EQYU Hatshylyǵy, onyń ishinde Ekonomıkalyq jáne ekologııalyq qyzmetter boıynsha EQYU Úılestirý keńsesi Astanadaǵy EQYU Ortalyǵynyń qoldaýymen Qazaqstandaǵy eńbek kóshi-qonynyń genderlik qyrlary atty óńirlik jobany ótkizýge bastama jasady», dedi A. Kelchevskıı.

Elshiniń aıtýynsha, atalǵan konferentsııaǵa Ortalyq Azııa men Kavkaz memleketteriniń ókilderi qatysatyn bolady. Joba sheńberindegi óńirlik konferentsııa aǵymdaǵy jyly qyrkúıek aıynyńda ótedi dep josparlanýda. EQYU Ortalyǵynyń bul bastamasyn QR Eńbek jáne halyqty áleýmettik qorǵaý mınıstrligi de qoldaǵan.