EQYU-nyń Taýly Qarabaq máselesin retteýdegi kúsh-jigerin nyǵaıta túsýi kerek – AQSh Memlekettik hatshysy
ASTANA. 1 jeltoqsan. QazAqparat /Qanat Mámetqazyuly/ - EQYU-nyń Taýly Qarabaq máselesin retteýdegi kúsh-jigerin nyǵaıta túsýi kerek. Búgin Astanada ótip jatqan EQYU Sammıtiniń plenarlyq otyrysynda sóz sóılegen AQSh-tyń Memlekettik hatshysy Hılları Klınton osylaı málimdedi.
Onyń aıtýynsha, EQYU óziniń kúsh-jigerimizdi Taýly Qarabaq janjalyn retteý boıynsha da arttyrýy qajet. Ondaǵy negizgi basymdyq - Mınsk toby tarapynan ázirlengen qaǵıdattarǵa negizdelýi shart. «Men Mınsk tobynyń teńtóraǵaly eli atynan kez kelgen beıbitshilikke qatysty sharanyń negizi Helsınki qaǵıdatyna, sondaı-aq prezıdentter Medvedev, Sarkozı jáne Obama tarapynan ázirlengen alty elementke negizdelýi qajettigin atap ótkim keledi», - dedi H. Klıonton.
Sonymen qatar, Memlekettik hatshy Astana Sammıtiniń EQYU maqsatyna sáıkes, janjaldardy sheshýge septigin tıgizetin qadamdar jasalatynyna senim bildirdi.
Aıta keteıik, EQYU Mınsk tobynyń basty maqsaty - Armenııa men Ázirbaıjan arasyndaǵy jyldar boıy jalǵasyp kele jatqan Taýly Qarabaq janjalyn sheshý bolyp tabylady.
