EQYU-nyń Sholý konferentsııasy: Adamı qundylyqtardy dáripteý - uıym qyzmetiniń basym baǵyty - respýblıkalyq basylymdarǵa sholý

***

«Keshe Astanadaǵy Beıbitshilik jáne kelisim saraıynda Eýropadaǵy qaýipsizdik jáne yntymaqtastyq uıymynyń 7-shi Sammıti qarsańynda Sholý konferentsııasy bastaldy. Úsh kúnge sozylatyn atalǵan konferentsııanyń aıasynda Úkimettik emes uıymdardyń forýmy ótti. Onda "EQYU-nyń adamı ólshemi qyzmeti boıynsha barlyq ustanymdary men mindetteriniń oryndalýyna sholý jasaý", "Keleshekke qajetti jobalar men usynystardy talqylaý" taqyryptary boıynsha birneshe baǵyttarda sessııa jumystary uıymdastyryldy. Álemdegi eń bir jetekshi, qyz­met etý aıasy keń uıymdardyń biri sanalatyn EQYU-nyń negizgi us­tanymdarynyń biri - ol gýmanı­tar­lyq ólshemge, ıaǵnı adamı qun­dy­lyqtardy dáripteý men ulyq­taýǵa negizdeletini belgili. Al Qa­zaqstan atalǵan Uıymǵa tóraǵalyq etý tizginin berik ustaǵan kúnnen bastap osy adamı ólshem baǵytyna aıryqsha nazar aýdaryp keledi», dep jazady «Egemen Qazaqstan» búgingi sanynda. «EQYU-nyń Sholý konferentsııasy: Adamı qundylyqtardy dáripteý - uıym qyzmetiniń basym baǵyty» atty taqyrypta jarııalanǵan maqalada Sholý konferentsııasynyń alǵashqy kúninde talqylanǵan máseleler týrasynda egjeı-tegjeıli málimet alýǵa bolady.

Sondaı-aq atalmysh basylymnyń habarlaýynsha, bıylǵy jyldyń qarasha-jeltoqsan aıla­ryn­da Almaty, Astana jáne Aty­raý qalalarynan - Reseı, Tá­jik­stan, Ózbekstan, Túrkııa mem­leketteriniń qalalaryna jańa áýe baǵyttary ashylady. Máselen, "Eır Asta­na" kompanııasynyń ushaǵy Dý­shanbe qalasynyń halyqaralyq áýejaıyna 21 qarashada birinshi ret qondy. Aptasyna úsh ret - dúısenbi, sársenbi jáne juma kún­deri qatynaıtyn "Fokker-50" áýe kemesimen jolaýshylar Almatydan Tá­jikstan astanasyna saıahat ja­saı alady. Sondaı-aq, bıylǵy jyldyń 28 qarashasynan bastap Aqtaý-Ys­tambul-Aqtaý jańa reısi aptasyna bir ret - jeksenbi kúnderi qa­tynaıdy dep josparlanýda. Bul reıs "Airbus A320" avıalaınerimen oryndalady jáne Túrkııaǵa qazirgi ýa­qyttaǵy baǵyttyq jelini tolyq­tyrady. Bıylǵy jyldyń 2 jeltoq­sanynan bastap Almatydan Tash­kentke seısenbi, beısenbi jáne jeksenbi kúnderi "Airbus A320" usha­ǵy qatynamaq. Sóz reti kel­gende atap aıtarlyǵy, "Eır As­tana" bul kúni Sankt-Peterbýrgti Almaty qalasymen jalǵastyrmaq, ıaǵnı, Almatydan Pýlkovo áýejaıyna "Airbus A320" ushaǵy apta­syna eki ret, seısenbi jáne beı­senbi kúnderi qatynaıdy. Bıylǵy jyldyń 8 jeltoqsanynda Eka­te­rınbýrg-Astana-Ekaterınbýrg reısin ashý josparlanýda, ol "Fokker-50" ushaǵymen sársenbi jáne jeksenbi kúnderi oryn­da­la­dy. Sonymen Reseıge ushatyn ushaq­tar sany beske deıin kó­beıtildi. Bul týraly «Egemen Qazaqstan» basylymynyń búgingi sanyndaǵy «Jańa áýe baǵyttary ashyldy» atty maqaladan bile alasyzdar.

***

«Orynbor... Osy qala jóninde sanaly qazaqty árdaıym ekiudaı sezim bıleıtini sózsiz. Ári qarǵa adym jerdegi, ári qashyq Orynbor. Ári jaqyn, ári jat Orynbor. Qarǵa adym jer deıtinimiz, Oral men Orynbordyń arasy pálendeı qashyq emes, aınaldyrǵan 300 shaqyrymnyń shamasy. Qashyq deıtinimiz, bir kezderi Alashtyń arystarynyń qazaq elin derbes memleket qylý jónindegi aıaýly armanyn terbetken qalaǵa búginderi eki birdeı memlekettiń ári shekaralyq, ári kedendik tekserýlerinen ótip baryp jetesiz. Al Orynbordy janymyzǵa erekshe jaqyn tutatynymyz, bul qala HH ǵasyrdyń alǵashqy shıregindegi qazaq avtonomııasynyń, ıakı qazirgi zamanǵy qazaq memlekettiliginiń alǵashqy astanasy. Sóıtken Orynbor qazir Reseıdiń quramynda, orman-orystyń qushaǵynda. Qaıyr-hosh, zady, esti kisi eski jarany tyrnamas bolar...», dep jazady «Aıqyn» búgingi sanynda. «Alash qaıratkerleri Reseıde ardaqtaldy» atta taqyrypta jarııalanǵan maqaladan taıaý kúnderi Orynborda Alash ardaqtylaryna kórsetilgen qurmet jaıly oqı alasyzdar.

Sondaı-aq «Aıqyn» búgingi sanynda jaǵymdy jańalyq jetkizipti. Bir jazdaǵy ekpindi qurylys barysynda boı kótergen 535 úı, 3 mektep jáne 4 emhanany saparǵa qatysqandar óz kózderimen kórip, aımaqtaǵy ilkimdi isterge kýá boldy. Atap aıtqanda «Aıqyn», «Lıter», «Egemen Qazaqstan», «Kazahstanskaıa pravda» sııaqty birneshe respýblıkalyq gazetterdiń basshylary Shyǵys Qazaqstan oblysynyń ákimi Berdibek Saparbaevpen birge press-týr tobyn quryp, Shyǵys óńirindegi Tarbaǵataı, Kúrshim jáne Zaısan aýdandaryn aralady. Sý tasqynynan keıin bıyl bir Jántikeıdiń ózine 191 úı salynsa, malynan aıyrylǵan halyqqa nesıe tártibimen 350 mıllıon teńgeniń maly beriletin boldy. Bul týraly «Bir jazdaǵy ekpindi qurylys» atty maqalada aıtylǵan.

***

Gazettiń búgingi sanynda QR Májilis depýtaty Amangeldi Momyshevpen suhbat jarııalanǵan. Suhbat «Men genderlik saıasatqa qarsymyn» degen taqyryppen berilgen. Depýtattyń pikirinshe, qazir qanshama qyzdarymyz jar qushyp, bala súımesten qartaıyp júr. Biraq ózimizdiń dástúrimizden bar nárseden teris aınalyp, batys elderdiń ustanymdaryn qabyldap jatyrmyz... «Jas kezimde bolsa, jurtqa úlgi bolarlyqtaı qadam jasar edim. Meniń óz atamnyń úsh áıeli bolǵan. Sol úsh áıelden taraǵan urpaq aǵaıyn-týǵan bolyp, aralasyp kettik. Bul - barsha qazaq úshin qalypty qubylys»,-deıdi suhbatynda A. Momyshev. Suhbattyń tolyq nusqasymen tanysqyńyz kelse «Alash aınasy» basylymynyń búgingi nómirin jiberip almańyz.

«Alash aınasy» basylymynyń jazýynsha,keshe Astana ýaqytymen saǵat 10:46-da Qostanaı oblysy Arqalyq qalasynan 70 shaqyrym jerge Halyqaralyq ǵarysh stansasynyń «Soıýz-TMA-19» kemesinde bolǵan 25-ekspedıtsııa kelip qondy. Jospar boıynsha keme ekıpajy jerge 30 qarashada oralýy tıis edi. Alaıda Astanada ótetin EQYU sammıtine baılanysty bul shara 26 qarashaǵa aýystyrylǵan. Bul jaıynda bilgińiz kelse «Alash aınasynyń» búgingi sanyndaǵy «Ǵaryshkerler Arqalyqqa qondy» atty maqalany oqyńyz.

***
«Kazahstanskaıa pravda» basylymynyń habarlaýynsha, ólim-jitimniń jáne aýrý-syrqaýdyń negizgi úlesi qan aınalamy júıesiniń asqynǵan derti saldarynan bolady. Osynyń negizinde temeki shegý, araq-sharap saldary, sondaı-aq durys tamaqtanbaýdyń áseri jatyr. Sonymen qatar bul jaman ádettiń aldyn alýǵa baǵyttalǵan sporttyq jáne saýyqtyrý ortalyqtary búginde halyq úshin tolyqtaı qol jetimdi emes. Bul másele jóninde basylymnyń búgingi sanyndaǵy «Osnova blagopolýchııa. Segodnıa ı vsegda» atty maqaladan bilýge bolady.