EQYU-nyń Qazirgi tóraǵasy retinde Qazaqstan azamattary úshin Shengen vızasy jeńildetilýi tıis - E. Imanqulov
nbsp;Mamyrdyń 6-sy. QazAqparat /Qanat Mámetqazyuly/ ‑ EQYU-nyń Qazirgi tóraǵasy retinde Qazaqstan azamattary úshin Shengen vızasy jeńildetilýi tıis.
Búgin QR Parlamenti Senatynyń otyrysynda senator Edilbaı Imanqulov osylaı málim etti, dep habarlaıdy QazAqparat.
«Qazaqstan EQYU-nyń Qazirgi tóraǵasy. Degenmen de bundaı bedeldi uıymǵa tóraǵalyq etkenimizge qaramastan, Qazaqstan úshin Shengen vızasyn alý áli de úlken taýqymettiń birine aınalyp otyr. Qazaqstannyń dıplomatııalyq pasporttarynyń ózi de bundaǵy kedergilerge álsiz. Sondyqtan da, Syrtqy ister mınıstrligi bul baǵyttaǵy jumystaryn jalǵastyra túsýi tıis. Eń quryǵanda dıplomatııalyq pasporttyń ıegerlerine de jeńildikter qarastyrylýy shart edi. Sonymen birge dál qázirgi EQYU-ǵa tóraǵalyq etý kezeńinde Qazaqstan azamattary úshin Eýropa elderine vızasyz júrý tártibin de qarastyrǵan oryndy», dedi depýtat E. Imanqulov.
