EQYU-nyń qazirgi tóraǵasy, QR Memlekettik hatshysy-syrtqy ister mınıstri Smolensk túbindegi ushaq apatyna baılanysty Polsha halqyna kóńil aıtty
ASTANA. Sáýirdiń 10-y. QazAqparat. Búgin Brıýsselde júrgen EQYU-nyń qazirgi tóraǵasy, QR Memlekettik hatshysy-syrtqy ister mınıstri Qanat Saýdabaev Polsha halqyna jáne ishinde el prezıdenti Leh Kachınskı de bolǵan Reseıdiń Smolensk qalasynyń túbinde ushaq apatynda qaza tapqandardyń otbasyna kóńil aıtty,
dep habarlaıdy QR syrtqy ister mınıstrligi.
«Men Polsha halqyna jáne osy ushaq apatynda qaza tapqandardyń otbasyna qaıǵyryp kóńil aıtamyn. Osy aýyr sátte biz sizdermen birgemiz», delingen kóńil aıtý mátininde.
