EQYU-nyń Qazaqstannan úıreneri barshylyq - Vashıngtondaǵy Strategııalyq jáne halyqaralyq zertteýler ortalyǵynda ótken konferentsııa
(«Center for Strategic and International Studies») ótken konferentsııada osy jaıly aıtyldy.
Qazaqstannyń AQSh-taǵy elshiliginiń baspasóz qyzmetinen habarlaǵandaı, EQYU máseleleri jónindegi jetekshi amerıkandyq jáne halyqaralyq sarapshylar «Qazaqstannyń EQYU-ǵa tóraǵalyǵynyń múmkindikteri» degen taqyryptaǵy jyl boıy júrgizilgen jumystyń qorytyndysy boıynsha óz qorytyndy baıandamalaryn tanystyrdy. Bul qujat EQYU máseleleri jónindegi táýelsiz amerıkandyq maqsatty topty taldaý jumysy bolyp tabylady. Jumys tobynyń quramyna Ortalyq Azııa, qaýipsizdik, energetıka máseleleri jónindegi sarapshylar, amerıkandyq úkimettik emes uıymdardyń ókilderi, sondaı-aq AQSh-tyń EQYU-daǵy burynǵy elshileri kirgen.
Konferentsııaǵa qatysýshylar, nátıjeli tóraǵalyq etý úshin Qazaqstannyń naqty jetistikterge ákeletin, elder arasyndaǵy ózara túsinistik pen senimdi nyǵaıtýǵa, sondaı-aq EQYU-nyń halyqaralyq qarym-qatynastardaǵy rolin kúsheıtýge qoldaý bolatyn jobalarǵa basymdyq tanytýy kerektigine kelisti. Olar, Qazaqstannyń tóraǵalyǵy - biregeı qubylys ekenin, sebebi Qazaqstannyń EQYU-ǵa tóraǵa bolyp otyrǵan postkeńestik keńistiktegi alǵashqy memleket jáne halqynyń basym bóligi musylman el ekenin atap kórsetti. «Eýropadaǵy qaýipsizdik jáne yntymaqtastyq uıymynyń Qazaqstannan úıreneri barshylyq», deıdi sarapshylar.
