EQYU-nyń Qazaqstandaǵy ókildigi o bastan-aq sot organdaryn qoldap keledi - Shtefan Býhmaıer
ALMATY. 3 maýsym. QazAqparat /Erlik Erjanuly/ - EQYU-nyń Astanadaǵy ortalyǵy men ózge de mamandanǵan ınstıtýttary Qazaqstandaǵy quqyqtyq reforma salasyndaǵy atqarylǵan jumystarǵa óz qoldaýyn árdaıym bildirip kele jatyr.
Bul týraly búgin Almatyda ótken «Qylmystyq is júrgizýdi odan ári reformalaý máseleleri jónindegi QR keıbir zańnamalyq aktilerine ózgerister men tolyqtyrýlar engizý týraly» zań jobasyn talqylaýǵa arnalǵan dóńgelek ústel jıynynda aıtyldy.
«Sot ádildigi kepildendirilgen negizgi adam quqyǵynyń biri. EQYU-nyń adam quqy salasyndaǵy bir ólshemi memlekettiń adam quqyǵyn qorǵaýdaǵy ádil sotqa kepildigi bolyp sanalady. Sol sebepti EQYU-nyń Qazaqstandaǵy ókildigi sot organdaryn o bastan-aq qoldap kele jatyr», - deıdi EQYU-nyń Astanadaǵy ortalyǵynyń Adam quqy jónindegi keńesshisi Shtefan Býhmaıer. Onyń aıtýynsha, Qazaqstan qylmystyq zańdardy izgilendirý jolynda kele jatyr. Qazaqstannyń 2010-2020 jyldarǵa arnalǵan quqyqtyq saıasat tujyrymdamasynda qylmystyq saıasatty odan ary izgilendirý jáne beıtaraptandyrý mindeti qoıylǵan. Bul baǵytta EQYU-na múshe ózge memleketterdiń is-tájirıbesi de eskerilip jatyr.
