EQYU-nyń Іs basyndaǵy Tóraǵasynyń Jeke ókili, Parlament Senatynyń depýtaty Ádil Ahmetov Rımde birqatar kezdesýler ótkizdi
ASTANA. 12 mamyr. QazAqparat - EQYU-nyń Іs basyndaǵy Tóraǵasynyń tózimdilik jáne kemsitýge qarsy kúres máseleleri jónindegi Jeke ókili, Parlament Senatynyń depýtaty Ádil Ahmetovtyń Rımde (Italııa) memlekettik organdar, úkimettik emes uıymdar jáne dinı birlestikter ókilderimen kezdesýinde dinı erkindikti ilgeriletý, dinı turǵydaǵy, jatsyný men násildik kemsitýge qarsy is-qımyl máseleleri sóz boldy.
Kezdesý EQYU Іs basyndaǵy Tóraǵasynyń úsh jeke ókiliniń Italııa men Vatıkanǵa bıylǵy birlesken sapary aıasynda boldy.
Kıeli Taqtyń memlekettermen baılanys jónindegi hatshysy, arhıepıskop D.Mambertımen kezdesýi barysynda kemsitýge qarsy kúres pen dinı erkindik máseleleri jónindegi ózara is-qımyldyń mańyzdylyǵy atalyp ótildi.
D.Mambertı dinaralyq únqatysý men konfessııaaralyq ózara túsinistikti ornyqtyrýǵa Qazaqstannyń qosqan úlesin joǵary baǵalaı kelip, Qaraǵandydaǵy katolık shirkeýi qurylysynyń qoldaý tapqany jáne aıaqtalýyna oraı alǵys aıtty.
Italııanyń musylman qoǵamynyń ókilderimen, Mınıstrler Keńesiniń, Italııa ІІM Dinı qatynastar jónindegi dırektoratynyń, Teń múmkindikter departamentiniń jáne Kemsitý men násilshildikke qarsy ulttyq keńseniń sarapshylarymen kezdesýlerde qýǵyndaýdy, jatsyný jáne násilshildikti memlekettik saıasat deńgeıinde joıý salasyndaǵy sharalar ázirleý qajettigi atalyp ótildi.
