EQYU-nyń Іs basyndaǵy Tóraǵasynyń Jeke ókili Á.Ahmetov baıandama jasady
ASTANA. 16 qarasha, QazAqparat. EQYU-nyń Іs basyndaǵy Tóraǵasynyń toleranttyq jáne kemsitpeýshilik máseleleri jónindegi Jeke úsh ókiliniń baıandamalary Turaqty komıtettiń kezekti otyrysynyń kún tártibinde negizgi másele boldy, dep habarlaıdy QR Parlamenti Senatynyń baspasóz qyzmeti.
EQYU-na qatysýshy elderdiń delegatsııalary ultshyldyqqa, jatsyný men tózbeýshilikke qarsy kúres Uıymnyń jáne onyń ınstıtýttarynyń negizgi basymdyqtary bolýy tıis degen ortaq pikirge keldi.
Otyrysqa qatysýshylar EQYU-ǵa qatysýshy memleketterdiń osy saladaǵy zańnamalardy jetildirý jáne quqyq qoldaný tájirıbesin jetildirý jaıynda aıtty.
Baıandamany talqylaý barysynda az ulttarǵa jatatyn adamdardyń quqyqtaryn qorǵaýǵa baǵyttalǵan kúsh-jigerdi arttyrýdaǵy Jeke ókilderdiń mańyzdy róli atalyp ótildi.
Sonymen birge ulttyq jáne memleketaralyq deńgeıdegi ultshyldyq, jatsyný men tózbeýshiliktiń kez-kelgen kórinisteriniń jolyn kesýdegi dáıekti jumystarmen birge jurtshylyqpen, buqaralyq aqparat quraldarymen, azamattyq qoǵam ınstıtýtarymen únqatysýdy damytý qajettigi atalyp ótildi.
Eske sala keteıik, senator Ádil Ahmetov Іs basyndaǵy Tóraǵanyń musylmandarǵa qatysty kemsitýshilikpen kúres jónindegi Jeke ókili bolyp tabylady.
