EQYU-nyń Іs basyndaǵy tóraǵasy Qazaqstandy saılaýdyń oıdaǵydaı ótýimen quttyqtady
ASTANA. 5 sáýir. QazAqparat - Búgin Lıtva tarapynyń bastamasy boıynsha Qazaqstan Respýblıkasynyń Memlekettik hatshysy-Syrtqy ister mınıstri Qanat Saýdabaev Lıtva Respýblıkasynyń Syrtqy ister mınıstri, EQYU-nyń Іs basyndaǵy tóraǵasy Aýdronıýs Ajýbalıspen telefon arqyly sóılesti.
QR Syrtqy ister mınıstrliginiń baspasóz qyzmeti málim etkendeı, áńgime barysynda A.Ajýbalıs Qazaqstandy QR Prezıdentiniń kezekten tys saılaýynyń oıdaǵydaı ótýimen quttyqtap, saılaýdyń joǵary dárejede uıymdastyrylǵanyn jáne halyqaralyq baqylaýshylardyń kóp qatysýyn atap ótti. EQYU-nyń Іs basyndaǵy tóraǵasy EQYU men Qazaqstan arasyndaǵy tyǵyz ári jemisti yntymaqtastyqtyń mańyzdylyǵyna erekshe toqtalyp ótti.
Q.Saýdabaev suhbattasýshysyna quttyqtaǵany úshin alǵys aıtyp, saılaý Qazaqstannyń demokratııalyq damý salasyndaǵy aıtarlyqtaı alǵa basýyn kórsete otyryp ashyq ári erkin túrde ótkenin jetkizdi.
Sol kúni Q.Saýdabaevpen telefon arqyly sóılesken Avstrııa Syrtqy ister mınıstri Mıhael Shpındelegger N.Nazarbaevty saılaýdaǵy jeńisimen quttyqtap, eki eldiń ózara tıimdi yntymaqtastyǵynyń bolashaqta damı túsetindigine senim bildirdi.
