EQYU-nyń is basyndaǵy tóraǵasy Q.Saýdabaev Túrikmenstanǵa resmı sapar jasaıdy
aýsymnyń 21-i. QazAqparat /Aıdar Ospanalıev/ - Maýsymnyń 23-i men 24-i aralyǵynda Eýropadaǵy qaýipsizdik jáne yntymaqtastyq uıymynyń is basyndaǵy tóraǵasy, QR Memlekettik hatshysy- Syrtqy ister mınıstri Qanat Saýdabaevtyń Túrikmenstanǵa resmı sapary ótedi.
Bul týraly búgin jýrnalıstermen bolǵan aptalyq brıfıngte Syrtqy ister mınıstrliginiń resmı ókili Asqar Ábdirahmanov málim etti, dep habarlaıdy QazAqparat.
Onyń sózine qaraǵanda, Q.Saýdabaev sapar barysynda Túrikmenstan Prezıdenti Qurbanquly Berdimuhamedovpen, Mınıstrler Kabıneti Tóraǵasynyń orynbasary - Syrtqy ister mınıstri Rashıd Meredovpen, Medjlıs tóraǵasy Aqdjoı Nurberdyıevamen kelissózder júrgizedi. Onyń barysynda Túrikmenstan men EQYU arasyndaǵy baılanystar jáne ózara ekijaqty yntymaqtastyq máseleleri sóz bolady. «Sapardyń ekinshi kúni EQYU-nyń tóraǵasy Ortalyq Azııa men Kaspıı basseıni óńirindegi qarýsyzdaný máseleleri jónindegi halyqaralyq konferentsııada kirispe sóz sóıleıdi. Q.Saýdabaev sonymen qatar atalmysh konferentsııanyń plenarlyq otyrysynda «Ortalyq Azııa men Kaspıı teńizi basseıni óńirindegi qarýsyzdaný máseleleri boıynsha taldaý jáne sholý» taqyrybynda baıandama jasaıdy. Osy otyrysta Kaspıı teńizi mańyndaǵy memleketterdiń syrtqy ister vedomstvolarynyń basshylary da sóz sóıleıdi dep kútilýde», dedi A.Ábdirahmanov.
