EQYU-nyń Astanadaǵy ortalyǵy quqyq qorǵaý organdaryndaǵy reformalardy qoldap kele jatyr - Jannet Klettser
Bul jaıynda búgin Almatyda ótip jatqan "Adam quqyǵyn qorǵaýdy qylmystyq-protsessýaldyq salada qamtamasyz etýdegi kepildikter" dep atalatyn dóńgelek ústel májilisinde aıtyldy.
"EQYU-nyń Astanadaǵy ortalyǵy áý bastan-aq, quqyq qorǵaý organdaryndaǵy reformalardy qoldap kele jatyr. Máselen, sottardyń tutqynǵa alýǵa sanktsııa berýin engizý, sottyq baqylaýdy keńeıtý jáne taǵy basqa qadamdar. Barlyq sharalar túrli deńgeıdegi memlekettik organdarmen tyǵyz yntymaqtastyq negizinde jáne azamattyq qoǵamnyń belsendi atsalysýmen jasalady", - deıdi EQYU-nyń Astanadaǵy ortalyǵy basshysynyń orynbasary Jannet Klettser.
Onyń aıtýynsha, ortalyq quqyq qorǵaý júıesin jetildirý baǵytynda árqıly jobalardy júzege asyrýda. 20 jyldyń ishinde quqyq qorǵaý organdary kóptegen reformalar jasady. Bul salada qazir jetistiktermen qatar áli kúnge óz sheshimin tappaǵan máseleler de az emes. Bul búgingi otyrysta da jan-jaqty talqyǵa túsip otyr. Jalpy, bul sharany "Adam quqyǵy hartııasy" qoǵamdyq qory EQYU-nyń Astanadaǵy ortalyǵy men Qazaqstandaǵy Frıd Haýs ókildigimen birlesip uıymdastyryp otyr.
