EQYU-nyń Astana Sammıti tarıhqa enetinine kúmánim joq - N.Nazarbaev
ASTANA. 3 jeltoqsan. QazAqparat /Gúlmıra Álıakparova/ - Bul joǵary forým tarıhqa enetinine kúmánim joq. Bul týraly búgin EQYU-nyń Astana Deklaratsııasy qabyldanǵannan keıin jýrnalısterge arnap baspasóz máslıhatyn ótkizgen Qazaqstan Prezıdenti Nursultan Nazarbaev málim etti.
«Bul joǵary forým tarıhqa enetinine meniń kúmánim joq. Sebebi Astana Sammıti tek Uıym úshin ǵana emes, sonymen qatar muhıttardy jalǵastyratyn úlken geosaıası keńistik úshin, bútin Eýrazııa qurylyǵy úshin kezeńdi oqıǵa boldy. Búgin biz Helsınkı men Parıjden keıin odan arǵy yqpaldastyqtyń jańa fazasyna kirip otyrmyz. «Helsınkı rýhy» tarıhı sózi "Astana rýhymen" baıytyla tústi. Osy jerde qaıta jandanǵan ózara túsinistik pen kelisim rýhy potentsıaldy álemdik qaterler men qaýipterge jetistikti qarsy turýǵa jáne halyqtarymyz úshin ómirlik mańyzdy problemalardy sheshýde bizdiń kúsh-jigerlerimizdi biriktirýge septigin tıgizedi dep senemin», - dedi Elbasy.
N.Nazarbaev, EQYU-nyń jalpy qyzmetin atap óte kele, Uıym Eýroatlantıkalyq jáne Eýrazııalyq ortaq qaýipsizdikti qamtamasyz etý arqyly Eýropa men Azııany jaqyndastyryp, yqpaldastyrýǵa qaýqarly ekendigin jáne osy kúnderi bul mańyzdy jumystar bastama alǵandyǵyn qadap aıtty.
