EQYU-nyń Astana deklaratsııasyna arnalǵan konferentsııa ótýde

ASTANA. 23 qazan. QazAqparat -  Parlament Senatynyń depýtaty EQYU Іs basyndaǵy tóraǵasynyń musylmandarǵa qatysty tózbeýshilik jáne kemsitýshilikpen kúres jónindegi Jeke ókili, EQYU Parlamenttik Assambleıasynyń múshesi, senator Ádil Ahmetov Almatyda ótken «EQYU-nyń Astana deklaratsııasy: qaýipsizdik qoǵamdastyǵyna qadam» halyqaralyq ǵylymı-tájirıbelik konferentsııasyna qatysty. Bul týraly Senattyń baspasóz qyzmetinen habarlady.

Sharaǵa qatysýshylar aldynda sóz alǵan Á.Ahmetov EQYU-ǵa qatysýshy memleketterdiń toleranttyq pen dinı bostandyqty ilgeriletý jónindegi mindettemelerine nazar aýdardy. Sonymen qatar, EQYU arnaýly ókili EQYU keńistigindegi kemsitýshilik pen tózbeýshilikti boldyrmaý jónindegi kúsh-jigerdiń mańyzdylyǵyn atap ótti.