EQYU Mınsk tobynyń teń tóraǵalary Q.Saýdabaevty Taýly Qarabaq shıelenisin retteý jónindegi jumys nátıjeleri týraly habardar etti
ASTANA. 29 qarasha. QazAqparat - EQYU Sammıtiniń aldynda, 29 qarasha kúni Astanada EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy-Syrtqy ister mınıstri Qanat Saýdabaev Taýly Qarabaq shıelenisin retteýdiń bolashaǵy men qazirgi jaǵdaıyn talqylaý úshin EQYU Mınsk tobynyń teń tóraǵalaryn qabyldady.
Kezdesýge sondaı-aq EQYU Іs basyndaǵy tóraǵasynyń uzaqqa sozylǵan shıelenister jónindegi Jeke ókili, elshi Andjeı Kaspjık qatysty, dep habarlaıdy QR SІM baspasóz qyzmeti.
RF elshisi Igor Popov pen AQSh elshisi Robert Bradtke EQYU-nyń Іs basyndaǵy tóraǵasyn shıelenisti retteý jónindegi jumys nátıjeleri týraly, sondaı-aq ótken aptada Ázirbaıjan men Armenııaǵa jasaǵan saparlarynyń qorytyndylary týraly habardar etti.
Q.Saýdabaev Qazaqstan men EQYU aldaǵy kúnderi Astanada ótetin Uıym Sammıti osy máseleni beıbit jolmen retteýdiń alǵa jyljýyna serpin beredi dep úmit artyp otyrǵanyn jetkizdi.
