EQYU memleketterinde demokratııalyq ınstıtýttardy damytý jónindegi Sholý konferentsııasy: kún tártibinde saılaý taqyryby
ARShAVA. Qazannyń 2-si. QazAqparat /Kenjebolat Joldybaı/ - Polshanyń elordasynda EQYU memleketterindegi demokratııalyq ınstıtýttardy damytý máselelerine arnalǵan 2010 jylǵy Sholý konferentsııasynyń birinshi otyrysy ótti. Onda talqylaǵa salynǵan negizgi másele - saılaý taqyryby boldy.
Jáne bul kezdeısoq emes. Sońǵy jıyrma jylda EQYU qaýipsizdik pen turaqtylyqtyń negizgi tiregi retinde demokratııalyq saılaýdy damytýǵa úlken nazar aýdaryp keledi. Atap aıtqanda, EQYU-nyń Demokratııalyq ınstıtýttar jáne adam quqyqtary jónindegi bıýrosy qatysýshy memleketterge saılaýmen baılanysty mindettemelerdi oryndaýlaryna, sol elderdiń ulttyq zańnamalarynyń sheginde baqylaý jolymen qoldaý kórsetip keledi. Bıýro sondaı-aq, baıqaýlardyń nátıjeleri boıynsha beriletin usynys-keńesterdi oryndaýda da kómek kórsetedi.
Varshavada ótken jaryssóz barysynda Uıymǵa qatysýshy memleketterdegi saılaý úderisterin EQYU aıasyndaǵy demokratııalyq saılaý ótkizýdiń mindettemelerine tolyq sáıkestigine keltirýdegi oń jetistikter, 1999 jylǵy Kopengagen qujatynyń saılaýǵa qatysty erejelerine sáıkessizdik faktileriniń de joq emes ekeni atap kórsetildi.
Jıynǵa qatysýshylar sondaı-aq, Astana sammıtiniń kún tártibine saılaý úderisindegi eń ózekti degen máselelerdi qosý kerektigin aıta kele, osynaý joǵary forýmnyń saılaý isiniń jaǵdaıyn jaqsartýǵa serpin bere alatyndyǵyna úmit bildirdi. Jáne oǵan negiz de joq emes, Lıtva ókili óz sózinde atap kórsetkendeı, Qazaqstannyń oń nátıjeli is-sharalar ótkizýde tájirıbesi mol. Lıtva ókili sondaı-aq, aǵymdaǵy jyldyń qyrkúıek aıynda ótken demokratııalyq saılaýdy jetildirý máselelerine arnalǵan konferentsııany joǵary deńgeıde uıymdastyrǵany úshin Qazaqstan Úkimetine Eýroodaqtyń atynan alǵys bildirdi.
