EQYU keńistigindegi mıgranttardyń kópshiligi TMD elderiniń azamattary

Bul týraly búgin Almatyda ótip jatqan Ortalyq Azııadaǵy bosqyndardy qorǵaý jáne halyqaralyq kóshi-qon týraly aımaqtyq konferentsııada EQYU-nyń Ekonomıkalyq-ekologııalyq qyzmetin úılestirýshi Goran Svılanovıch aıtty.

Onyń pikirinshe, kóshi-qondy basqarýda keshendi sharalar jasaý úshin yntymaqtastyq ornatý kerek. «Biz bul ádisti aımaqtaǵy qaýipsizdik pen turaqtylyqty qamtamasyz etýdegi mańyzdy faktorlardyń biri dep sanaımyz. EQYU men Halyqaralyq kóshi-qon uıymy osy konferentsııany uıymdastyrýshylardyń qatarynda bolýy bizdiń yntymaqtastyǵymyzdyń taǵy bir faktory. EQYU keńistigindegi mıllıondaǵan mıgranttardyń kópshiligi TMD elderiniń azamattary», - dedi G. Svılanovıch.

Onń aıtýynsha, statıstıkalyq kórsetkishter mıgranttar qabyldaýshy eldiń ekonomıkalyq áleýetin kóteretinin kórsetip otyr. Olar bul jaǵynan óz eliniń ınvestory bolyp tabylady. Kóshi-qon kedeıshilik deńgeıin tómendetýge áser etip, ishki naryqtyń eńbekpen qamtý júktemesin jeńildetedi. EQYU sońǵy jyldary halyqaralyq seriktesterimen birlesip kóshi-qon máselesine qatysty ártúrli bilim berý men anyqtamalyq materıaldardy jáne statıstıkalyq derekterdi basyp shyǵardy.