EQYU Qazaqstannyń ákimshilik zańnamany reformalaý nıetin qoldaıdy - EQYU Astanadaǵy Ortalyǵynyń basshysy
ASTANA. Sáýirdiń 12-ci. QazAqparat /Qanat Mámetqazyuly/ - EQYU odan ári sottardyń mamandana túsýin jáne Qazaqstannyń ákimshilik zańnamany reformalaý nıetine qoldaý bildiredi.
Búgin QR Parlamenti Senatynda «Qazaqstan Respýblıkasyndaǵy ákimshilik ádilettiń qalyptasý máselesi» atty taqyrypqa ótken halyqaralyq konferentsııa barysynda EQYU-nyń Astanadaǵy Ortalyǵynyń basshysy Aleksandr Kelchevskıı osylaı málim etti, dep habarlaıdy QazAqparat.
«Demokratııalyq qoǵamda memlekettiń atqarýshylyq jáne bólýshilik qyzmetteri azamattar múddesine sáıkes júzege asýy tıis. Sondyqtan da, memlekettik bıliktiń, ákimshilik bıliktiń fýnktsııalary men áreketteri zań normalaryna qatań retteýdi qajet etedi. Sonymen birge, jańa ákimshilik zańnama jobasynda kórinis tapqan jańa tujyrymdama boıynsha daý-damaılar barysynda azamattardyń shaǵymdaryna qatysty memlekettik organdardyń kináliligin de qarastyrǵany mańyzdy. Bundaı qaǵıdat álemniń kóptegen elderinde jumys isteıdi. Sonymen birge, jańa ákimshilik zańnamany qabyldaý arqyly qoǵamnyń ákimshilik júıege degen kózqarasy da ózgeretindeı bolýy shart. Bul turǵydan alaǵanda azamattar ákimshilik quqyqty jazalaýshy dep emes, qorǵaý júıesi sekildi qabyldaýy kerek. Budan bólek, jalpy ákimshilik ádilet júıesi ashyq ári tıimdi júıege aınalýy tıis. Sondyqtan da EQYU odan ári sottardyń mamandana túsýine jáne Qazaqstannyń ákimshilik zańnamany reformalaý nıetine qoldaý bildiredi», dedi A. Kelchevskıı.
Ortalyq jetekshisi bul rette jańa zańnamanyń ákimshilik ádilet organdary qurylymyn naqty anyqtaýdaǵy mańyzyn atap ótti.
