EQYU Qarabaq janjalyn jedel sheshýge shaqyrdy
ASTANA. QazAqparat - EQYU tóraǵasy Dıde Býrkhalter, sondaı-aq Mınsk tobynyń músheleri Igor Popov, Djeıms Ýorlık jáne Jak For Qarabaq aımaǵyndaǵy zombylyqtyń ósýine alańdaýshylyq bildirdi jáne janjaldasýshy taraptardy ony sheshý úshin shuǵyl is-qımylǵa shaqyrdy, delingen EQYU málimdemesinde, dep habarlady Vedomosti.ru saıty.
«Olar (EQYU tóraǵasy jáne Mınsk tobynyń músheleri) Armenııa men Ázerbaıjan prezıdentterine shıelenisti tarqatý maqsatynda shuǵyl sharalar alý jóninde ótinish jasady, sondaı-aq atysty toqtatý týraly kelisimdi qurmetteýge shaqyrdy», delingen málimdemede. Sonymen birge, Mınsk tobynyń músheleri jáne EQYU tóraǵasy qaza bolǵandardyń otbasylaryna kóńil aıtty.
Beısenbi kúni, 31 shildede moıyndalmaǵan Taýly-Qarabaq Respýblıkasynyń armııasy shekarada eki áskerı qyzmetshileriniń mert bolǵanyn, al ázerbaıjan Qorǵanys mınıstrligi toǵyz áskerı qyzmetiniń qazaǵa ushyraǵanyn habarlady. Senbi kúni ázirbaıjan Qorǵanys mınıstrligi qaqtyǵys sheginde 1 tamyzdan 2-sine qaraǵan túni atys bolǵanyn, tórt adamynan aırylǵanyn habarlady. Moıyndalmaǵan Taýly Qarabaq Respýblıkasy óz tarapynan bir áskerı qyzmetshiniń qaza bolǵanyn habarlady.
Qarabaq janjaly 1988 jylǵy aqpanda bastaldy, negizinen armıan basym Taýly Qarabaq avtonomııalyq oblysy (TQAO) Ázerbaıjan KSR-i qaramaǵynan shyǵatynyn málimdedi. 1991 jylǵy qyrkúıekte TQAO ortalyǵy Stepanakertte Taýly Qarabaq Respýblıkasy qurylǵanyn jarııalandy. Resmı Baký bul aktini zańsyz dep tanydy jáne keńes jyldary ómir súrgen Qarabaq avtonomııasyn taratty.
Budan keıin bastalǵan qarýly janjal 1994 jylǵy 12 mamyrǵa deıin tatýlasý týraly kelisim kúshine engenshe jalǵasty. Sonyń nátıjesinde Ázerbaıjan Taýly Qarabaqty jáne onyń mańyndaǵy jeti aýdanymen tolyq nemesee shinara baqylaýdan shyǵaryp aldy. 1992 jyldan beri EQYU Mınsk tobynyń aýqymynda janjaldy beıbit retteý jóninde kelissózder júrgizilýde.
