EQYU halyqaralyq lańkestikpen kúrese alady - Norvegııanyń Syrtqy ister mınıstri
ASTANA. 1 jeltoqsan. QazAqparat /Arman Asqarov/ - Eýropadaǵy qaýipsizdik jáne yntymaqtastyq uıymy halyqaralyq lańkestikpen kúresý jolynda óziniń salmaqty úlesin qosa alady.
Búgin Astanada bastalǵan EQYU Sammıtiniń resmı májilisinde Norvegııanyń Syrtqy ister mınıstri Ionas Gar Stere osyndaı pikir bildirdi.
«Budan basqa, Eýropadaǵy qaýipsizdik jáne yntymaqtastyq uıymy Aýǵanstan eline naqty kómek bere alady. Osy oraıda uıymnyń quqyq qorǵaý salasyndaǵy reformalary, shekara qaýipsizdigi men zańsyz esirtki saýdasymen kúres baǵdarlamalary óz nátıjesin berýi tıis. Sondaı-aq biz qarý-jaraq máselesin baqylaýda ustaýymyz qajet», - deıdi Ionas Gar Stere.
Norvegııanyń Syrtqy ister mınıstri Ionas Gar Stere atap kórsetkendeı, EQYU álemdegi qaýipsizdik máseleleri jónindegi eń iri uıym bolyp tabylady. Ol áskerı kúshtiń negizinde emes, elder men halyqtar arasyndaǵy senimdi kúsheıtý arqyly jumys istep keledi.
