EQYU-ǵa jańa kózqarastar kerek - senator Ǵarıfola Esim
ALMATY. Qańtardyń 30-y. QazAqparat /Erlik Erjanuly/ - EQYU-nyń bolashaǵy uıym músheleriniń óz qolynda. Ony QR Parlament Senatynyń depýtaty Ǵarıfola Esim QazAqparat tilshisine bergen suhbatynda aıtty,
dep habarlaıdy QazAqparat.
"Eýropadaǵy qaýipsizdik pen yntymaqtastyq uıymynda neshe túrli elder bar. Ekonomıkasy ilgeri ketken, demokratııasy, mádenıeti damyǵan elder kóp. Elý alty elge tóraǵalyq etý qazaq halqynyń tarıhynda buryn bolyp kórmegen úlken jaýapty is. Tóraǵalyq etý degen jaı ánsheıin nárse emes 56 eldiń máselesine aralasý. EQYU-nyń tóraǵalyǵyn qabyldaǵan soń Qazaqstan halqyna joldaǵan Úndeýinde Elbasy Helsınkı qorytyndy aktisine qol qoıylǵan tamyzdyń 1-in EQYU kúni dep jarııalaýdy usynatynyn jetkizgen edi. Eger bul usynys uıymǵa múshe elder tarapynan qoldaý tabatyn bolsa, Qazaqstan tarıhynda qalatyn oqıǵa bolmaq", deıdi senator Ǵarıfolla Esim. QR UǴA akademıgi, fılosofııa ǵylymynyń doktory, professor Ǵ. Esimulynyń paıymdaýynsha, qazir EQYU-ǵa jańa kózqarastar kerek. Uıymnyń bolashaǵyn baıandy etý oǵan múshe memleketterdiń óz qolynda. Elbasy óz úndeýinde jáne keshegi Joldaýynda Qazaqstannyń EQYU-ǵa tóraǵalyǵy kezinde júzege asyratyn sharalardy baıandady. Ony qoldaý, ne qalys qalý uıym músheleriniń óz qoldarynda tur.
