EQYU-ǵa tóraǵalyq etý - Qazaqstannyń dúnıejúzindegi róliniń artqanyn kórsetip otyr - Hokon Magnýs
ANA. Aqpannyń 5-i. QazAqparat /Rýslan Ǵabbasov/ - Eýropadaǵy qaýipsizdik jáne yntymaqtastyq uıymyna tóraǵalyq etý - Qazaqstannyń dúnıejúzindegi róliniń artqanyn kórsetip otyr.
Bul týraly búgin Astanada Úkimet basshysy Kárim Másimovpen ótken kezdesýden keıingi brıfıngte Norvegııa Koroldiginiń murager hanzadasy Hokon Magnýs málim etti, dep habarlaıdy QazAqparat.
«Biz Astanada Norvegııa elshiligin resmı túrde ashqaly otyrmyz. Bul óz kezeginde eki eldiń jaqsy qarym-qatynasyn, sondaı-aq álemdik qoǵamdastyqta Qazaqstannyń yqpalynyń artýyn dáleldep otyr», dedi Hokon Magnýs.
Sonymen qatar ol bıylǵy EQYU-ǵa tóraǵalyq etý Qazaqstannyń dúnıe júzindegi róliniń artýyn kórsetip otyrǵandyǵyn atap ótti.
